Мусобиқаи шоҳмот барои дарёфти Ҷоми Пешвои миллат дар Хоруғ анҷом ёфт

Октябрь 13, 2020 16:17

 ХОРУҒ, 13.10.2020 /АМИТ «Ховар»/. Дар толори Муассисаи давлатии Мактаби президентӣ дар шаҳри Хоруғи Вилояти Мухтори Кӯҳистони Бадахшон байни наврасону ҷавонон даври вилоятии мусобиқа аз намуди шоҳмот барои дарёфти Ҷоми Пешвои миллат баргузор гардид.

Тавре мухбири минтақавии АМИТ «Ховар» дар вилоят хабар медиҳад, дар ин мусобиқа 25  нафар шоҳмотбози беҳтарин аз шаҳру ноҳияҳои вилоят ширкат варзиданд.

Мудири бахши варзиши Раёсати кор бо ҷавонон ва варзиши вилоят Азиз Айдармамадов  гуфт, ки “пас аз таъсиси дарси шоҳмот дар муассисаҳои таълимии вилоят ин намуди варзиш давоми чанд соли охир дар байни кӯдакону наврасон ҳаводорони зиёд пайдо кард. Ба сабаби зиёд будани теъдоди шоҳмотбозон бо пешниҳоди ҳайати доварон онҳоро ба ду гурӯҳ тақсим кардем. Ба гурӯҳи аввал шоҳмотбозони касбӣ шомил шуданд ва ба гурӯҳи дуюм наврасоне, ки ҳамагӣ чанд моҳ инҷониб ба бозии шоҳмот машғул ҳастанд. Барои ин гурӯҳи наврасон ширкат дар чунин мусобиқаи бонуфуз мояи ифтихор аст ва умедворем, ки дар оянда аз байни онҳо шоҳмотбозони муваффақ пайдо хоҳанд шуд”.

Мусобиқаи мазкур бо пирӯзии 12 нафар шоҳмотбоз ба поён расид. Акнун ғолибон ба мусобиқаи ҷумҳуриявӣ, ки дар арафаи Рӯзи Президент дар пойтахти ҷумҳурӣ-шаҳри Душанбе баргузор мегардад, омодагӣ мебинанд.

Октябрь 13, 2020 16:17

Хабарҳои дигари ин бахш

ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд