Панҷ паҳлавони шинохтаи тоҷик дар Grand Slam Hungary 2020 иштирок мекунанд

Октябрь 9, 2020 09:30

ДУШАНБЕ, 09.10.2020 /АМИТ «Ховар»/. Федератсияи байналмилалии дзюдо баргузории Мусобиқаи Гранд слами Венгрияро 23-25 октябр дар шаҳри Будапешт тасдиқ кард. Аз Ҷумҳурии Тоҷикистон  дар ин мусобиқаи сатҳи баланд   5 нафар паҳлавонони шинохта- Сомон Маҳмадбеков (-73кг), Акмал Муродов (-81кг), Комроншоҳ Устопириён (-90кг), Темур Раҳимов ва Шакармамад Мирмамадов (+100кг) ба  шаҳри  Будапешти  давлати  Венгрия сафарбар хоҳанд шуд. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.

Президенти Федератсияи байналмилалии дзюдо Мариус Визер гуфтааст: «Ин рӯйдоди таърихӣ барои ҷаҳони дзюдо  ва варзиш аст. Мо бо беқарорӣ интизорем, ки мусобиқаи Гранд сламро баргузор кунем, албатта, бо қоидаи муқарраршуда ва риояи қатъии чораҳои ҳифзи саломатӣ ва бехатарӣ. Мехоҳам ба ҳама сидқан ташаккур гӯям, ки дар давраи барои ҳама душвор заҳмат кашиданд. Мо бояд бо Covid-19 мутобиқ шавем ва инро бо бозгашт ба сайри ҷаҳонии дзюдо  нишон диҳем. Мо ҳамаи кореро, ки бар уҳдаамон аст, иҷро мекунем, то варзишгарон тавонанд фаъолияти варзишиашонро дубора оғоз карда, ҳунарашонро нишон диҳанд».

Тибқи маълумоти сомонаи расмии Федератсияи байналмилалии дзюдо, дар мусобиқаи Гранд слами Будапешт 649 варзишгар аз 81 давлат иштирок хоҳанд кард.

Чунин мусобиқаи рейтингӣ 11-13  декабр дар шаҳри Токиои Япония бо номи Tokyo Grand Slam 2020 доир мегардад.  Пас аз чанд моҳи маҳдудият ниҳоят ҷаҳон дари худро ба сӯи оянда боз мекунад ва варзиш барои оғози марҳилаи нав беҳтарин тадбир мебошад.

Октябрь 9, 2020 09:30

Хабарҳои дигари ин бахш

Имрӯз «Равшан» бо «Ҳулбук», «Барқчӣ» бо «Саройкамар» ва «Ҳосилот» бо «Ваҳдат» рақобат мекунанд
ФУТБОЛ. «Равшан» пеш аз муҳлат ба Лигаи олӣ роҳхат гирифт
Дастаи «Рамис-Испечак» пеш аз муҳлат Чемпиони Тоҷикистон шуд
ФУТЗАЛ. Дастаи мунтахаби Тоҷикистон омодагиро ба Чемпионати Осиё-2020 шурӯъ кард
Футболбозони то 14-солаи «Солор» Ҷоми Чемпионати Тоҷикистонро соҳиб шуданд
Варзишгарони навраси тоҷик дар Федератсияи Россия соҳиби ду медали тилло шуданд
Имрӯз дар Душанбе Мусобиқаи ҷумҳуриявӣ оид ба волейбол миёни бонувон оғоз ёфт
Варзишгарони «Динамо» дар Мусобиқаи ҷумҳуриявӣ оид ба гӯштини юнону румӣ байни калонсолон панҷ медал гирифтанд
Дастаҳои «Сипар» ва «Соро компания» дар финали лигаи касбии футзал байни ҳам бозӣ мекунанд
ФУТБОЛ. Дастаҳои «Локомотив-Помир» ва «Регар-ТадАЗ»-и Лигаи олӣ Чемпионати Тоҷикистонро тарк намуданд
Аваз Қамчинов ва Раҳматулло Фузайлов — ғолибони моҳи сентябр дар Лигаи якуми Тоҷикистон оид ба футбол
Дар деҳаи Шуҷанди ноҳияи Рӯшон варзишгоҳи муосир ба истифода дода шуд