Раёсати Кумитаи ҳолатҳои фавқулода ва мудофиаи граждании ВМКБ дар Рӯшон машқи тактикии амалӣ гузаронид
ХОРУҒ, 28.10.2020 /АМИТ «Ховар»/. Бо фарорасии фасли зимистон эҳтимоли рух додани ҳар гуна офатҳои табиию техногенӣ, ба монанди тармаву сел, сангфароиву сӯхтор афзоиш меёбад. Дар ин иртибот Раёсати ҳолатҳои фавқулода ва мудофиаи граждании Вилояти Мухтори Кӯҳистони Бадахшон қарор дод, ки бо баргузор кардани машқи тактикӣ сатҳи омодагии идораву муассисаҳои давлатиро барои пешгирӣ ва бартарафсозии оқибатҳои офатҳои табиӣ ва техногенӣ қабл аз оғози фасли сармо мавриди санҷиш қарор диҳад.
Муовини сардори Раёсати мазкур Сафарбек Авазов гуфт, ки «97 фоизи минтақаи Бадахшонро кӯҳсорон ташкил медиҳанд ва бештари манзили истиқоматии сокинони вилоят дар кӯҳдоманҳо ҷойгир аст. Бо шурӯи боронгариҳо хатари баста шудани роҳҳо, рух додани ҳар гуна садамаҳои автомобилӣ, ба маҳаллаҳои аҳолинишин ҷорӣ шудани тармаву сангчарх, фаромадани ҳайвоноти дарранда ба деҳот, аз беэҳтиётӣ сар задани сӯхтор дар манзилу ҷои кор зиёдтар мегардад. Бинобар ин Раёсати ҳолатҳои фавқулода ва мудофиаи граждании вилоят дар ҳамкорӣ бо мақомоти иҷроияи ҳокимияти давлатии ноҳияи Рӯшон омодагии идораву муассисаҳои таълимию тандурустӣ, маъмурию маишӣ, роҳсозию хадамоти оташнишонӣ, ниҳодҳои интизомию низомии ноҳияро дар бархурд бо офатҳои табиӣ ва техногенӣ бори дигар мавриди санҷиш қарор дод».
Тӯли се рӯзи машқи тактикӣ аён гардид, ки ҳайати роҳбарикунанда, комиссияҳои мудофиаи гражданӣ, қувва ва воситаҳои хадамот барои пешгирӣ ва рафъи оқибатҳои офатҳои табиӣ омодагии пурра дида, ҳангоми машқ аз уҳдаи вазифаҳои хеш ба хубӣ баромаданд.
Раёсати ҳолатҳои фавқулода ва мудофиаи гражданӣ ба иштирокчиёни фаъоли машқи тактикӣ ифтихорнома ва туҳфаҳои хотиравӣ тақдим карда, аз онҳо даъват намуд, ки мисли имрӯз минбаъд низ шабу рӯз дар пешгирӣ ва бартарафсозии ҳар гуна офат тайёр бошанд.
«КОРВОНИ ДИДОР». Модарон дар қисмҳои ҳарбӣ бо шароити хизмати фарзандон шинос мешаванд
Дар Душанбе ду далели вайрон намудани қоидаҳои истифодаи неруи барқ ошкор карда шуд
Дар Душанбе ҷаласаи Шурои роҳбарони ниҳодҳои амниятӣ ва хадамоти махсуси кишварҳои аъзои Иттиҳоди Давлатҳои Мустақил оғоз шуд
Дар вилояти Хатлон санҷиши омодагии ҳайати захираҳои сафарбарӣ доир гардид
Раёсати Вазорати корҳои дохилӣ дар шаҳри Душанбе гурӯҳи муташаккили ҷиноятиро дастгир намуд
Дар Душанбе ҷаласаи мақомоти ҳифзи ҳуқуқ доир шуд
Президенти Тоҷикистон: «Ҳифзи сулҳи пойдор вазифаи муқаддаси ҳар фарди ҷомеа мебошад»
Дар Суғд ҷаласаи Шурои ҳамоҳангсози фаъолияти мақомоти ҳифзи ҳуқуқ доир шуд
Нақшаи даъвати баҳории шаҳрвандон ба сафи Артиши миллӣ 100 фоиз иҷро гардид
Ба сокинони шаҳри Роғун риояи талаботи қонунгузорӣ дар самти истифодаи самараноки неруи барқ фаҳмонида мешавад
Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
