Сироҷиддин Муҳриддин ва Такаюки Мияшита Ёддоштҳои табодулиро дар бораи Лоиҳаи бурсияҳои таҳсил имзо намуданд
ДУШАНБЕ, 02.10.2020 /АМИТ «Ховар»/. Имрӯз дар Вазорати корҳои хориҷии Ҷумҳурии Тоҷикистон мулоқоти Вазири корҳои хориҷии мамлакат Сироҷиддин Муҳриддин бо Сафири Фавқулода ва Мухтори Япония дар Тоҷикистон Такаюки Мияшита доир гардид.
Дар мулоқот масъалаи муносибатҳои дуҷонибаи Тоҷикистон ва Япония дар заминаҳои гуногун баррасӣ шуда, дар бораи мавзӯъҳои дигари мавриди эҳтироми муштарак табодули назар сурат гирифт. Ҳангоми суҳбат инчунин ҳамкории ду давлат дар соҳаи мубориза бо бемории ҳамагири COVID-19 мавриди баррасӣ карор гирифт.
Вазири корҳои хориҷии Ҷумҳурии Тоҷикистон Сироҷиддин Муҳриддин иброз дошт, ки Япония яке аз шарикони муҳими рушди Тоҷикистон буда, дар соҳаҳои мухталиф ҳамкории гуногунҷанба ба роҳ мондааст.
Ба зикри номбурда, саҳми Агентии ҳамкории байналмилалии Япония (JICA) дар иқтисодиёт ва соҳаҳои иҷтимоии Тоҷикистон назаррас мебошад.
«Мо аз кумаки JICA дар соҳаи зерсохтор, тандурустӣ, ҳифзи иҷтимоии аҳолӣ, бозомӯзӣ ва рушди малакаҳо дар доираи Кумаки расмии рушд (ODA) сипосгузорем.
Таълим ва рушди захираҳои инсонӣ яке аз самтҳои авлавиятноки стратегияи рушди Тоҷикистон ба ҳисоб меравад. То имрӯз беш аз 2 ҳазору 250 нафар мутахассисон аз Тоҷикистон дар давраҳои гуногуни омӯзишӣ дар Япония ширкат варзиданд. Аз соли 2009 инҷониб Лоиҳаи бурсияҳои таҳсилӣ аз рӯи Барномаи рушди захираҳои инсонӣ (JDS) тавассути баланд бардоштани иқтидори мутахассисони ҷавон дар соҳаи муносибатҳои байналмилалӣ ҳуқуқ, иқтисод ва мудирият саҳми зиёд мегузорад.
Мояи хушнудист, ки шумораи стипендияҳо барои солҳои хониши 2020-2030 дар магистратура аз 7 ба 12 адад зиёд шуд. Мо ҷиҳати татбиқи минбаъдаи барномаҳои таълимӣ ва стипендия дар соҳаи муносибатҳои байналмилалӣ, таҳқиқоти стратегӣ, мудирият, муҳандисӣ, фанновариҳои иттилоотӣ, навоварӣ, иқтисодиёт, сармоягузорӣ, молия ва бонк, саноат, энергетика, тандурустӣ ва сайёҳӣ манфиатдорем»,-гуфт Сироҷиддин Муҳриддин.
Дар анҷоми мулоқот Сироҷиддин Муҳриддин ва Такаюки Мияшита Ёддоштҳои табодулӣ байни Ҳукумати Ҷумҳурии Тоҷикистон ва Ҳукумати Япония дар бораи Лоиҳаи бурсияҳои таҳсилӣ аз рӯи Барномаи рушди захираҳои инсониро имзо намуданд.
Ёдовар мешавем, ки Лоиҳаи навбатии «Кумаки грантии Япония барои рушди захираҳои инсонӣ», барои рушди ҳамкории Тоҷикистон ва Япония дар соҳаи маориф бисёр муҳим мебошад.
Сафири Тоҷикистон ба Президенти Ҷумҳурии Исломии Покистон эътимоднома супорид
Ҳамкории Тоҷикистон ва Барномаи рушди Созмони Милали Муттаҳид тақвият меёбад
Ҳоким Холиқзода дар Форуми сиёсии сатҳи баланд оид ба рушди устувор дар Созмони Милали Муттаҳид иштирок намуд
Шаҳри Магдебурги Олмон мизбони Мусобиқаи варзишӣ оид ба аспдавонӣ барои дарёфти ҷоми Ҷумҳурии Тоҷикистон гардид
Сафири Тоҷикистон ба Президенти Ҷумҳурии Арабии Миср эътимоднома супорид
Ҳоким Холиқзода бо муовини якуми Дабири кулли Созмони Милали Муттаҳид Амина Муҳаммад мулоқот намуд
Ҳамкории Тоҷикистон ва Созмони Милали Муттаҳид дар соҳаи обу энергетика ва ҳифзи пиряхҳо баррасӣ гардид
Муовини якуми Сарвазири мамлакат Ҳоким Холиқзода дар чорабинии канории Тоҷикистон дар қароргоҳи СММ иштирок намуд
ВКХ ҶТ: «Хабарҳои бархе аз расонаҳо дар бораи гӯё таъсис додани пойгоҳи низомӣ аз ҷониби Чин дар қаламрави Тоҷикистон асос надоранд»
Тоҷикистон ва Қатар татбиқи Созишномаи байниҳукуматӣ оид ба ҳамкорӣ дар соҳаи амниятро баррасӣ намуданд
Дурнамои тавсеаи ҳамкории иқтисодӣ байни Тоҷикистону Олмон баррасӣ гардид
Намояндагони бахшҳои давлатӣ ва хусусии Арабистони Саудӣ ба Тоҷикистон меоянд
