СММ ҷиҳати беҳбуди зерсохтори нақлиёти автомобилии Тоҷикистон кумак мекунад
ДУШАНБЕ, 07.10.2020 /АМИТ «Ховар/. Ҳамоҳангсози доимии Созмони Милали Муттаҳид Сезин Синаноглу дар мулоқоти бо Вазири нақлиёти Тоҷикистон Азим Иброҳим аз тариқи конфронси видеоӣ, ки 2 октябр баргузор шуд, иттилоъ дод, ки СММ ҳоло Стратегияи нави ҳамкориро бо ҷумҳурӣ таҳия менамояд. Дар ин бора аз Вазорати нақлиёти Ҷумҳурии Тоҷикистон ба АМИТ «Ховар» хабар доданд.
Дар ҷараёни мулоқот ҷонибҳо масоили рушди долонҳои нақлиётии минтақа, ҷорӣ намудани системаҳои минтақавии нақлиёти рақамӣ ва амниятиро баррасӣ намуданд. Дар идомаи суҳбат Сезин Синаноглу гуфт, ки СММ ҳоло Стратегияи нави ҳамкорӣ бо Ҷумҳурии Тоҷикистонро таҳия мекунад, ки ҳадафи он ҳалли масъалаҳои марбут ба рушди долонҳои нақлиётӣ дар Осиёи Марказӣ ва рақамисозии роҳҳо мебошад.
Азим Иброҳим омодагии худро ҷиҳати омӯзиши Стратегияи пешниҳодшуда ва танзими ҳамкории мутақобилаи судманд бо СММ иброз намуд.
Ёдовар мешавем, ки Ҷумҳурии Тоҷикистон дар ибтидои соли 1992 узви баробарҳуқуқи СММ гардид. Дар ин муддат СММ ба ҷумҳурӣ беш аз ним миллиард доллар дар шакли грант додааст. Ин пулҳо барои рушди иқтидорҳо, сохторҳо ва рушди башарӣ, аз ҷумла ташкили ҷойҳои нави корӣ, дастрасӣ ба хизматрасониҳои тиббӣ, рушди идоракунӣ ва ҳифзи муҳити зист масраф мешаванд.
АКС аз бойгонӣ
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
