ТАСС: Ситоди нозирони ИДМ ба раванди омодагиҳо ба интихоботи президент дар Тоҷикистон баҳои баланд дод

Октябрь 7, 2020 11:59

ДУШАНБЕ, 07.10.2020 /АМИТ «Ховар/. Роҳбари Ситоди Намояндагии нозирони Иттиҳоди Давлатҳои Мустақил (ИДМ) Евгений Козяк сатҳи омодагии Комиссияи марказӣ оид ба интихобот ва раъйпурсии (КМИР) Тоҷикистонро  ба интихоботи президентӣ, ки 11 октябр таъйин шудааст, баҳои баланд медиҳад. Дар ин бора вай ба ТАСС рӯзи сешанбе, 6 октябр хабар додааст.

«Дар ин давра мо аз тамоми минтақаҳои Тоҷикистон боздид намудем. Таассуроти мо аз боздиди ноҳияҳо ва шиносоӣ бо кори комиссияҳои ҳавзавӣ ва участкавии интихобот бисёр мусбат аст, зеро корҳои зиёди ташкилӣ ба анҷом расидаанд», — хабар додааст Козяк. Ба андешаи ӯ, ҳангоми интихоботи парлумонии моҳи марти имсол дар Тоҷикистон омодагӣ ба андозаи кофӣ дар сатҳи  баланд буд, «сарфи назар аз кори азими вобаста ба  пандемия, ташкилкунандагони интихобот тамоми имконро истифода карданд, ки интихобот аз лиҳози ташкилӣ дар сатҳи баланд баргузор шавад».

«Мо махсусан аз омодагӣ дар самти чорабиниҳои зидди эпидемиологӣ дар қаламрави Тоҷикистон ҷиҳати ҳимояи аъзои комиссияҳои интихоботӣ, овоздиҳандагон дар арафа ва рӯзи интихобот ба ҳайрат афтодем: таъминоти воситаҳои ҳифозати инфиродӣ, безараргардонии биноҳо ва ҷойҳои корӣ, риояи фосилаи иҷтимоӣ», — зикр намуд мусоҳиб.

Намояндагии нозирон 21 сентябр ба мониторинги маъракаи интихобот шурӯъ кард ва дар айни замон дар ҳайати он 96 нозир аз Озарбойҷон, Беларус, Қазоқистон, Молдова, Россия ва Ӯзбекистон аккредитатсия шудаанд. Дар ин ҷамъ инчунин намояндагони Ассамблеяи байнипарламонии кишварҳои узви ИДМ, Ҷаласаи парлумонии Беларус ва Россия, Кумитаи иҷроияи ИДМ, ки дар байни онҳо вакилони парлумонҳои миллӣ, намояндагони корпуси дипломатӣ, комиссияҳои интихоботии кишварҳои ИДМ ҳузур доранд, шомил мебошанд. Дар айни замон ҳафт нозир ба таври тӯлонӣ кор мекунанд ва фаъолияти онҳоро ситоди Намояндагӣ  дар Душанбе ҳамоҳанг мекунад.

Интихоботи президентии Тоҷикистон 11 октябр баргузор мешавад. Муддаиёни ин вазифа панҷ нафар мебошанд: сарвари кунунии давлат Эмомалӣ Раҳмон, ки аз ҷониби Федератсияи иттифоқҳои касабаи мустақил, Иттифоқи ҷавонон ва Ҳизби Халқии Демократии Тоҷикистон пешбарӣ шудааст, Рустам Латифзода аз Ҳизби аграрӣ, Абдуҳалим Ғаффорзода аз Ҳизби сотсиалистӣ, Рустам Раҳматзода аз Ҳизби ислоҳоти иқтисодӣ ва Мироҷ Абдуллоев аз Ҳизби коммунистӣ.

Президенти Тоҷикистон бо роҳи овоздиҳии пинҳонӣ ба муддати ҳафт сол интихоб мешавад. Сарвари давлат номзаде эътироф мешавад, ки зиёда аз 50% овозҳоро ба даст биоварад. Интихоботи президентии қаблӣ 6 ноябри соли 2013 баргузор ва Эмомалӣ Раҳмон бо касби 83,9% овозҳо (беш аз 3 миллион) ва иштироки беш аз 86,6% интихобкунандагон пирӯз шуда буд.

                                                 АКС аз бойгонии АМИТ «Ховар»

Октябрь 7, 2020 11:59

Хабарҳои дигари ин бахш

«ҶАҲОНРО БА ДОНИШ ТАВОН ЁФТАН…». Андешаҳо дар ҳошияи таъкидҳои Президенти Тоҷикистон дар мулоқот бо фаъолон, намояндагони ҷомеа ва ходимони дин
«ТОҶИКИСТОН-ПЕШОҲАНГИ ҲИФЗИ ПИРЯХҲО ДАР ҶАҲОН». Таҳти ин унвон дар Душанбе конференсияи ҷумҳуриявии илмӣ-амалӣ баргузор шуд
ЭЪЛОН! 14 ва 15 март мулоқоти Президенти Ҷумҳурии Тоҷикистон бо намояндагони фаъоли ҷомеа ва ходимони дин аз тариқи ҳамаи шабакаҳои телевизионӣ ва радиоӣ такроран пахш карда мешавад
НАЗАРИ КОРШИНОС. Масъалаи дарки манфиати миллӣ ва ҳимояи он аз тамоми ҷомеа, хосса ходимони дин дониши баланди сиёсӣ талаб менамояд
РАВАНДИ ОБИ ДУШАНБЕ. ЮНИСЕФ ният дорад, ки дар Тоҷикистон шабакаи «Ҷавонон барои захираҳои об ва иқлим» таъсис диҳад
Сарвари давлат занон-модаронро ба сарфаю сариштакорӣ ва пешгирӣ аз зиёдаравию исрофкорӣ даъват намуданд
МОДАР АВВАЛИН МУРАББИИ БАШАРИЯТ АСТ. Президенти Тоҷикистон муҳтарам Эмомалӣ Раҳмон дар васфи Зан-Модар
БО ДУОИ ТУ ДАР ИН ДУНЁ САОДАТ ЁФТАМ! Эҳдо ба Рӯзи Модар
Президенти Тоҷикистон орзу намуданд, ки ягон модар доғи фарзанд набинад ва ашки ғам нарезад
СИРИШТИ МОДАРОН АЗ МЕҲРУБОНӢ АСТ. Фармудаҳои бузургон дар ситоиши ин олиҳаи зиндагӣ
СИЁСАТИ МОДАРДӮСТОНАИ ПЕШВОИ МИЛЛАТ. Профессор Махфират Хидирзода: «Дар замони соҳибистиқлолӣ беш аз 256 ҳазор нафар духтарон муассисаҳои таҳсилоти олиро хатм кардаанд»
Эмомалӣ Раҳмон: «Имрӯз занону духтарон дар тамоми самтҳои ҳаёти ҷомеа ва давлат саҳми арзишманд мегузоранд»