ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Саҳми соҳибкорони Нуробод дар бунёди иншоот бахшида ба 30-солагии Истиқлоли давлатӣ назаррас аст

Ноябрь 19, 2020 12:07

 НУРОБОД, 19.11.2020 /АМИТ «Ховар»/.  Дар шаҳраки Дарбанди ноҳияи Нуробод бахшида ба ҷашни 30-солагии Истиқлоли давлатии Ҷумҳурии Тоҷикистон бо саҳми назарраси соҳибкорони маҳаллӣ якчанд иншооту биноҳои таъйиноташон гуногун мавриди баҳрабардорӣ қарор гирифтаанд.

Тавре хабарнигори минтақавии АМИТ «Ховар» иттилоъ медиҳад, бо мақсади таъмин намудани сокинони шаҳраки Дарбанд бо маҳсулоти гӯштӣ аз ҷониби соҳибкори муваффақ Анваршо Шарифов дӯкони гӯштфурӯшӣ ба истифода дода шуд.

Соҳибкор Ҷалолназари Муҳаммадсобир дар шароити имрӯза афзудани талаботи аҳолиро ба маҳсулоти сохтмонӣ ба инобат гирифта, дар маркази ноҳия мағозаи фурӯши асбобу анҷоми рӯзгор ва маводи сохтмонӣ бунёд намуд.

Аз ҷониби соҳибкорзани ҷавон Сарвиноз Ризоева дар деҳаи Яхчи Ҷамоати деҳоти Изаттулло Ҳалимов биноҳои замонавии мағоза, дорухона ва сартарошхона  мавриди баҳрабардорӣ қарор гирифтанд. Дар назар аст, ки то баргузории ҷашни миллии 30-солагии Истиқлоли давлатӣ кошонаи ҳусн ва коргоҳи дӯзандагӣ сохта шаванд.

Дар  деҳаи Сангдевори ҳамин ҷамоат аз тарафи соҳибкор Комил Зоиров бинои дуошёнаи маркази савдо ва коргоҳи дӯзандагӣ ба истифода дода шуд, ки таъсиси чунин иншоот барои соҳибкасб гардидани духтарони кӯҳистон шароити хуб фароҳам меорад.

Ҳамзамон дар деҳаи дурдасти Лайрони Ҷамоати деҳоти Ҳакимӣ  аз ҷониби соҳибкор Абдуғаффор Лоиқов мағозаи дуошёна  ба истифода дода шуд, ки мушкилоти деҳотиёнро осон менамояд.

Дар деҳаи Комсомолободи ноҳияи Нуробод бинои  дорухона  аз ҷониби соҳибкор Хуршед Собиров, маркази савдо ва сартарошхона дар деҳаи Шашволон аз ҷониби соҳибкор Раҳмон Абдураҳмонов, дар деҳаи Таг бо ибтикори соҳибкори муваффақ Шамсалӣ Расулов маҷмааи дуошёнаи хизматрасонӣ, дӯкони гӯштфурӯшӣ ва истгоҳ ба истифода дода шуданд.

Ёдовар мешавем, ки дар ноҳияи Нуробод  бахшида ба ҷашни 30-солагии Истиқлоли давлатии Ҷумҳурии Тоҷикистон бунёди 248 иншоот  ба нақша гирифта шудаю то имрӯз  аз ин шумора 172 адад мавриди истифода қарор гирифтаанд.

Тибқи иттилои масъулини Мақомоти иҷроияи ҳокимияти давлати ноҳияи Нуробод,  бахшида ба Рӯзи Президенти Ҷумҳурии Тоҷикистон аз ҷониби соҳибкорон 13 иншооти таъйиноти гуногун ба истифода дода шуданд, ки ин туҳфаи хубе ба шарафи ин санаи таърихии миллати тоҷик мебошад. Соҳибкорони ноҳия дар ҷавоб ба дастгириву ғамхориҳои Пешвои муаззами миллат, аз ҷумла ҷиҳати дастгирии рушди соҳибкорӣ, муколамаи байни давлат ва бахши хусусӣ ва фароҳам овардани шароити созгору мусоид бобати ривоҷи ин бахш дилгармона фаъолият  доранд.

Ноябрь 19, 2020 12:07

Хабарҳои дигари ин бахш

ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Хуҷанд сохтмони тарабхонаи «Форел» бомаром идома дорад
«Хуҷандагро» барои хушксозии пиёз аз Аврупо таҷҳизот ворид месозад
АЗ ПАШША НАБОЯД ФИЛ СОХТ. Ва ё чӣ гуна «коршиносон»-и аз нозукиҳои бахши молия ва низоми бонкӣ бехабар дар такя ба суханони беасос хомаронӣ менамоянд
«Сомон Эйр» аз Россия ба Тоҷикистон 146 парвоз анҷом медиҳад
Марҳилаи дуюми Лоиҳаи минтақавии «Беҳтар намудани мубориза бар зидди малах» татбиқ мегардад
Соли равон ба Тоҷикистон аз ҳама зиёд Чин ва Ӯзбекистон кумаки башардӯстона расонидаанд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Соҳибкор Фаррух Амонов дар деҳаи Деҳҳавзи Кӯҳистони Мастчоҳ бинои нави муассисаи таълимӣ бунёд намуд
Раиси вилояти Хатлон бо Сафири Украина дар Тоҷикистон мулоқот намуд
«Сомон Эйр» ба шаҳри Минск 10 парвози махсус анҷом медиҳад
Саноатикунонӣ ба таъсиси ҷойҳои нави корӣ ва зиёд гардидани сафи мутахассисони баландпоя мусоидат мекунад,-бардошт аз конфронси илмӣ
Ҷамшед Ҷумъахонзода дар нишасти матбуотӣ бахшида ба Ҳафтаи байналмилалии тиҷорат дар ТАСС иштирок ва суханронӣ менамояд
РОҲБАРИ НАМОЯНДАГИИ ИТТИҲОДИ АВРУПО МЭРИЛИН ҶОЗЕФСОН: «ЛИМӮИ ТОҶИК МЕТАВОНАД ЯКЕ АЗ БРЕНДҲОИ АЗ ҲАМА МУВАФФАҚИ КИШВАР ДАР ҶАҲОН ГАРДАД». Дар Душанбе оид ба масоили иқтидори содиротии ин намуди ситрусӣ форуми тиҷоратӣ баргузор гардид