«Амонатбонк» дар Иттиҳоди байнибонкии Созмони ҳамкории Шанхай раисӣ менамояд
ДУШАНБЕ, 03.11.2020 /АМИТ «Ховар»/. Дар ҷаласаи XVI Шӯрои Иттиҳоди байнибонкии Созмони ҳамкории Шанхай /СҲШ/, ки бо ташаббуси Корпоратсияи давлатии рушди «ВЭБ» Федератсияи Россия тариқи онлайн баргузор шуд, масъалаҳои мубрами таҳкими ҳамкории байнибонкӣ матраҳ гардиданд. Дар ҷаласаи XVI Шӯрои Иттиҳоди байнибонкии СҲШ Ҷумҳурии Тоҷикистонро ҳайати расмии Бонки давлатии амонатгузории Ҷумҳурии Тоҷикистон «Амонатбонк» таҳти роҳбарии раиси Раёсат Сироҷиддин Икромӣ намояндагӣ намуд.
Аз Бонки давлатии амонатгузории Ҷумҳурии Тоҷикистон «Амонатбонк» ба АМИТ «Ховар» иттилоъ доданд, ки дар ҷараёни ҷаласаи XVI Шӯрои Иттиҳоди байнибонкии Созмони ҳамкории Шанхай аз ҷониби раисони бонкҳои аъзои ин созмон санадҳои ҳамкорӣ, аз ҷумла харитаи роҳ ҷиҳати бартараф намудани оқибатҳои пандемия барои иқтисодиёти давлатҳои аъзои Созмон, равишҳои муштарак оид ба масъалаи истифодаи асъори миллӣ дар қаламрави кишварҳои аъзои СҲШ ба имзо расонида шуданд.
Баъди ба имзо расонидани санадҳои ҳамкорӣ дар фазои тантанавӣ масъулияти раисӣ дар Иттиҳоди байнибонкии Созмони ҳамкории Шанхай аз ҷониби Раиси Корпоратсияи давлатии рушди «ВЭБ»-и Федератсияи Россия Игор Шувалов ба Раиси Раёсати Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ барои солҳои 2020 ва 2021 супорида шуд.
Сироҷиддин Икромӣ омодагии худро ҷиҳати дар сатҳи баланд баргузор намудани чорабиниҳое, ки дар давраи раисии Бонки давлатии Ҷумҳурии Тоҷикистон «Амонатбонк» барои солҳои 2020 ва 2021 пешбинӣ гардидаанд, иброз намуд. Тибқи тартиботи кории СҲШ ҳар як кишвари аъзо аз рӯи тартиби алифбои русӣ ҳар сол роҳбарии Созмонро ба уҳда дорад, ки дар баробари ин сохторҳои соҳавиаш, аз ҷумла бонкҳо дар доираи Иттиҳоди байнибонкии СҲШ раисӣ менамоянд.
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
