Дастаи «Динамо»-и Вазорати корҳои дохилӣ ғолиби мусобиқаҳои ноҳиявию ҷумҳуриявӣ гардид
ДУШАНБЕ, 19.11.2020 /АМИТ «Ховар»/. Варзишгарони аъзои дастаи «Динамо»-и Вазорати корҳои дохилии Ҷумҳурии Тоҷикистон дар мусобиқаҳои сатҳи ноҳиявӣ ва ҷумҳуриявӣ аз намудҳои варзиши кикбоксинг ва муайтай иштирок намуда, чандин ҷойҳои ифтихорӣ ба даст оварданд. Дар ин бора аз Вазорати корҳои дохилӣ ба шореҳи варзиши АМИТ «Ховар» Меҳрони Қурбон хабар доданд.
6 нафар варзишгарони навраси динамочӣ дар мусобиқа аз намуди кикбоксинг, ки дар ноҳияи Ёвони вилояти Хатлон баргузор гардид, бо медалу ифтихорномаҳо қадрдонӣ гардиданд. Ҳамин тариқ, Фарид Муродов дар вазни 26 кило, Алиҷон Солеҳов дар вазни 33 кило ва Билол Аминов дар вазни 44 кило ҷойҳои аввалро ишғол намуда, соҳиби медали тилло гаштанд. Ҳамчунин Абдулло Маҷидов дар вазни 27 кило, Юсуф Сафаров дар вазни 30 кило ва Назрихуҷа Сафаров дар вазни 42 кило ҷойҳои дуюми мусобиқаро ишғол намуданд. Дар мусобиқаи мазкур 10 даста бо теъдоди беш аз 120 нафар варзишгарони наврасу ҷавон ширкат доштанд.
Варзишгарони ҷавон дар Чемпионати Ҷумҳурии Тоҷикистон оид ба муайтай-тай, ки дар толори Маҷмааи варзишии Хадамоти алоқаи назди Ҳукумати Ҷумҳурии Тоҷикистон доир гардид, соҳиби се медал гардиданд. Динамочиён Абдуносир Муҳаммадиев дар вазни 51 кило ба ишғоли мақоми аввал мушарраф гашта, Аҳмад Абдураҳмонов дар вазни 35 кило ва Комров Сабзаков дар вазни 54 кило сазовори ҷойҳои дуюм ва медали нуқраи чемпионат гардиданд.
Ин варзишгарони наврас зери роҳбарии мураббии ботаҷрибаи аъзои Шӯрои ҷамъиятии «Динамо» Фазлиддин Шоев тамрин намуда, ҷиҳати иштирок дар мусобиқаҳои дарпешистода омодагӣ мебинанд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
