Роҳбари намояндагии СУТ Бахтигул Карриева: «Таҷриба ва коргузории кормандони муассисаҳои тиббии Суғд дар пешгирии ин беморӣ барои дигар кишварҳо намуна мебошад»
ДУШАНБЕ, 17.11.2020 /АМИТ «Ховар»/. Роҳбари намояндагии Созмони умумиҷаҳонии тандурустӣ Бахтигул Карриева аз тарзи фаъолияти табибони вилояти Суғд изҳори қаноатмандӣ карда, изҳор дошт, ки таҷриба ва коргузории кормандони муассисаҳои тиббии ин вилоят ҳамчун намуна барои дигар кишварҳо пешниҳод шудааст.
Ёдовар мешавем, ки муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Самараддин Ализода ва роҳбари намояндагии Созмони умумиҷаҳонии тандурустӣ Бахтигул Карриева дар доираи сафари корӣ ба вилояти Суғд бо раиси вилоят Раҷаббой Аҳмадзода мулоқот намуд ва ин матлаб зимни он изҳор гардид. Дар мулоқот перомуни вазъи эпидемиологӣ ва тадбирандешиҳо дар самти пешгирии бемории сироятии коронавируси COVID-19 мубодилаи афкор сурат гирифт. Дар ин бора аз хадамоти матбуоти Раиси вилояти Суғд ба АМИТ «Ховар» хабар доданд.
Раҷаббой Аҳмадзода вобаста ба фаъолияти Ситоди вилоятӣ оид ба пурзӯр намудани чораҳои зиддиэпидемикӣ барои пешгирии бемории сироятии коронавируси COVID-19 маълумот дода, иброз дошт, ки бо дастгирии Ҳукумати мамлакат баҳри пешгирии бемории сироятӣ аз тамоми имконият истифода бурда мешавад. Дар вилояти Суғд фаъолияти муассисаҳои тандурустӣ зери назорат қарор дошта, ҷиҳати пешгирии беморӣ мунтазам корҳои безараргардонӣ гузаронида мешаванд.
Бо мақсади баланд бардоштани сатҳи огоҳии аҳолӣ ва риояи тавсияҳои Созмони умумиҷаҳонии тандурустӣ, истифода аз ниқобҳои муҳофизативу маводи антисептикӣ аз ҳисоби кормандони мақомоти давлатӣ, табибону олимони соҳаи тиб ва коршиносон гурӯҳҳои корӣ ташкил гардида, корҳои тарғиботиву ташвиқотӣ миёни аҳолӣ пурзӯр карда шудаанд.
Мақомоти иҷроияи ҳокимияти давлатии вилояти Суғд барои сари вақт дастрас намудани таҷҳизоти зарурии тиббӣ ва доруворӣ маблағҳои зарурӣ ҷудо намуда, вазъро таҳти назорат қарор додааст.
Зимни мулоқот раиси вилоят ҳамзамон барои фиристодани табибони хориҷӣ ба вилояти Суғд ба Созмони умумиҷаҳонии тандурустӣ изҳори сипос намуд.
Иттилоъ дода шуд, ки дар навоҳии Ашт, Бобоҷон Ғафуров, Исфара, Истаравшан ва Панҷакент марказҳои ташхиси бемории коронавирус ташкил хоҳанд шуд, ки барои пешгирӣ аз интиқолу паҳншавии пандемия мусоидат менамоянд.
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
МАЪРИФАТИ ҲУҚУҚӢ-МАСЪАЛАИ МУҲИМИ ЗАМОНИ МУОСИР. Андешаҳои профессор Махфират Хидирзода дар ин мавзуъ
