СИТОДИ ҶУМҲУРИЯВӢ: Гузаронидани ҳама гуна чорабиниҳои тантанавӣ ба муносибати Соли нави мелодии 2021 дар қаламрави кишвар манъ аст

Ноябрь 18, 2020 17:20

ДУШАНБЕ, 18.11.2020. /АМИТ «Ховар»/. Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз интиқолу паҳншавии бемории сироятии COVID–19 дар Ҷумҳурии Тоҷикистон вобаста ба хуруҷи мавҷи дуюми бемории сироятии COVID–19 дар ҷаҳон ба таваҷҷуҳи шаҳрвандон мерасонад, ки қоидаҳои гигиенаи шахсиву ҷамъиятӣ ва маслиҳату тавсияҳои табибону мутахассисонро қатъиян риоя кунанд.

Бо сабаби хуруҷи мавҷи дуюми бемории сироятии COVID–19, шиддат гирифтани буҳрони иқтисодиву молиявӣ ва афзоиши бекорӣ дар як қатор кишварҳои ҷаҳон бори дигар фаъолияти марказҳои хизматрасонӣ, боғу гулгаштҳо ва баргузории маросиму ҷашнҳо дар ин кишварҳо қатъ карда шуда, ҳаракати воситаҳои нақлиёти ҷамъиятӣ маҳдуд ва вазъияти карантин эълон карда шуд.

Вобаста ба ҳолати бавуҷудомада Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқоли минбаъдаи он дар Ҷумҳурии Тоҷикистон қарор қабул кард:

  1. Гузаронидани ҳама гуна чорабиниҳои тантанавӣ, аз ҷумла ташкили арчаи солинавӣ, чорабиниҳои фарҳангии оммавӣ, нишастҳои ҷашнӣ, шабнишиниҳо ва дигар чорабиниҳои оммавӣ ба муносибати Соли нави мелодии 2021 дар қаламрави кишвар манъ карда шавад.
  2. Сайру гашти мардум дар боғҳои фарҳангу фароғат, гулгашту хиёбонҳо ва дигар ҷойҳои ҷамъиятӣ танҳо бо дарназардошти риояи ҳатмии қоидаҳои гигиенаи шахсиву ҷамъиятӣ, истифодаи ҳатмии ниқобҳои муҳофизатӣ ва риояи қатъии фосилаи иҷтимоӣ дар масофаи байниҳамдигарии аз 1,5 то 2 метр иҷозат дода мешавад.
  3. Вазорати тандурустӣ ва ҳифзи иҷтимоии аҳолӣ, Вазорати корҳои дохилӣ дар ҳамкорӣ бо мақомоти иҷроияи маҳаллии ҳокимияти давлатӣ масъалаи бо маводи безараргардонӣ таъмин намудани боғҳои фарҳангу фароғат, гулгашту хиёбонҳо ва дигар ҷойҳои ҷамъиятиро ба таври қатъӣ назорат намоянд.
  4. Вазорати корҳои дохилӣ ҷиҳати пурзӯр кардани фаъолияти нозирони минтақавии милитсия барои пешгирӣ кардани сирояти нави коронавирус дар маҳалҳо чораҳои иловагӣ андешад.
  5. Вазоратҳои тандурустӣ ва ҳифзи иҷтимоии аҳолӣ, маориф ва илм риояи қоидаҳои беҳдошти шахсиву ҷамъиятиро дар муассисаҳои таҳсилоти томактабӣ, миёнаи умумӣ, ибтидоӣ, миёна ва олии касбӣ боз ҳам қатъӣ назорат намоянд.
Ноябрь 18, 2020 17:20

Хабарҳои дигари ин бахш

COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Шабонарӯзи охир дар ҷаҳон зиёда аз 403 ҳазор ҳолати сирояти коронавирус ошкор гардид
Дар Агентии назорати маводи нашъаовар бахшида ба Артиши миллӣ ҷаласаи тантанавӣ баргузор гардид
ИН БА ОҒОЗИ ХОТИМАИ ПАНДЕМИЯ МОНАНД АСТ. Чунин тахмин мекунад коршиноси АМИТ «Ховар», сардухтури Беморхонаи клиникии сироятии Душанбе дар бораи тамоюли коҳишёбии бемории коронавирус дар ҷаҳон
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
ЭМОМАЛӢ РАҲМОН: ҶАВОНОН МЕТАВОНАНД САДДИ БОЭЪТИМОДИ ПАҲНШАВИИ ЭКСТРЕМИЗМ ВА ТЕРРОРИЗМРО ЭҶОД КУНАНД. Дирӯз дар Тошканд дар ин бора конфронси байналмилалӣ баргузор шуд
Шабонарӯзи охир дар ҷаҳон зиёда аз 398 ҳазор ҳолати сирояти коронавирус ошкор гардид
«Сарбози Ватан будан ифтихори ҷавонмардист»-таҳти ин унвон дар Душанбе ҳамоиши сиёсӣ-фарҳангӣ баргузор гардид
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Як гурӯҳ ҷавонони шаҳри Ҳисор бо тартиби хизмати ҳаррӯзаи афсарон дар қисмҳои ҳарбӣ шинос шуданд
Дабири кулли СММ тақсимоти ваксинаҳои зидди COVID-19-ро дар ҷаҳон нобаробар ва ноодилона номид

Маводҳои таҳлилӣ