Тоҷикистон ва Корея татбиқи лоиҳаҳои сармоягузорӣ дар соҳаи инфрасохторро баррасӣ намуданд
ДУШАНБЕ, 13.11.2020 /АМИТ «Ховар»/. 12 ноябр муовини Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода бо ҳайати Корея таҳти роҳбарии Намояндаи Ассотсиатсияи «Koshuma» Шин Ҷэ Бок мулоқот намуд. Инчунин дар мулоқоти мазкур Сафири Фавқулода ва Мухтори Ҷумҳурии Тоҷикистон дар Сеул Юсуф Шарифзода иштирок кард. Дар ин бора АМИТ «Ховар» бо истинод ба Вазорати рушди иқтисод ва савдои ҷумҳурӣ хабар медиҳад.
Ҷонибҳо рушди ҳамкории дуҷониба, амиқгардонии ҳамкорӣ, бахусус татбиқи лоиҳаҳои сармоягузорӣ дар соҳаи инфрасохтор, ташкили паркҳои технологӣ, марказҳои логистикӣ барои коркард ва содироти молҳоро бо ҷалби сармояи Корея дар минтақаҳои озоди иқтисодии Тоҷикистон баррасӣ карданд.
Дар ҷараёни мулоқот А. Абдураҳмонзода зикр намуд, ки соли 2017 зимни сафари Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳангоми таъсиси МОИ «Панҷ» ба 3 корхона санги асос гузошта шуд, ки аз нав барқарор намудани фаъолияти корхонаҳои қобили таваҷҷуҳ мебошад.
Ҳамзамон таъкид гардид, ки МОИ «Кўлоб» бо масоҳати 309 гектар соли равон ба кор шурўъ намуда, ҷиҳати ҷалби сармояи дохиливу хориҷӣ дар самти таъсиси корхонаҳои саноатӣ, аз ҷумла корхонаҳои коркарди нахи пахта, бахусус корхонаҳои бузурги нассоҷӣ ҳама имтиёзҳои заруриро доранд.
Инчунин тазаккур дода шуд, ки иқтисоди рақамӣ дар мамлакат босуръат рушд карда, имкони хуб барои роҳандозии ҳамкории мутақобилан судманд байни Тоҷикистон ва Корея бо истифодаи таҷрибаи бойи Корея мебошад.
Пас аз анҷоми мулоқот ҷонибҳо омодагии худро барои роҳандозии ҳамкорӣ дар соҳаҳои мутақобилан судманд иброз намуданд.
АКС аз Вазорати рушди иқтисод ва савдои ҶТ
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
