Абдуллоҳ Абдуллоҳ: «Ҷумҳурии Тоҷикистон ҳамеша ҳомии сулҳу субот дар Афғонистон аст»
ДУШАНБЕ, 22.12.2020 /АМИТ «Ховар»/. «Ҷумҳурии Тоҷикистон ҳамеша ҳомии сулҳу субот дар Ҷумҳурии Исломии Афғонистон аст», — чунин изҳор дошт имрӯз дар нишасти хабарӣ Раиси Шӯрои Олии мусолиҳаи миллии Ҷумҳурии Исломии Афғонистон Абдуллоҳ Абдуллоҳ пас аз мулоқот бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Душанбе.
Абдуллоҳ Абдуллоҳ зикр кард, ки «бо Президенти Ҷумҳурии Тоҷикистон муҳтарам Эмомалӣ Раҳмон, ки таҷрибаи хуби барқарор намудани сулҳро доранд, доир ба ин мавзӯъ табодули назар кардем».
Дар ҷараёни мулоқот оид ба лоиҳаи сулҳ ва мусолиҳаи миллӣ дар Афғонистон табодули афкор сурат гирифт.
«Президенти Тоҷикистон муҳтарам Эмомалӣ Раҳмон иброз доштанд, ки барқарор намудану таҳким бахшидани сулҳу субот дар Афғонистон, на танҳо барои рушди ин кишвар, балки барои тараққиёт ва пешрафти тамоми кишварҳои минтақа нақши калидӣ дошта метавонад»,- афзуд Раиси Шӯрои Олии мусолиҳаи миллии Ҷумҳурии Исломии Афғонистон Абдуллоҳ Абдуллоҳ.
Ёдовар мешавем, ки Раиси Шӯрои Олии мусолиҳаи миллии Ҷумҳурии Исломии Афғонистон Абдуллоҳ Абдуллоҳ 21 декабр бо сафари расмӣ ба Тоҷикистон ташриф оврада, бо Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода, Сарвазири Ҷумҳурии Тоҷикистон Коҳир Расулзода ва Вазири корҳои хориҷии Ҷумҳурии Тоҷикистон Сироҷиддин Муҳриддин мулоқот намуд.
АКС аз Хадамоти матбуотии Президенти ҶТ
Вохӯрии гурӯҳҳои корӣ оид ба демаркатсияи cарҳади давлатии Тоҷикистон ва Узбекистон баргузор шуд
Тоҷикистон ва Малдив Cозишнома оид ба бекор кардани талаботи раводидро ба имзо расониданд
Тоҷикистон бо ЮНЕСКО масъалаҳои омодагӣ ба Конфронси байналмилалӣ оид ба ҳифзи пиряхҳоро баррасӣ намуд
Дар Тошканд вохӯрии муовинони вазирони корҳои хориҷии давлатҳои Осиёи Марказӣ доир гардид
Дар Душанбе татбиқи барномаҳои башардӯстона баррасӣ гардид
Дурнамои ҳамкории Тоҷикистон ва Кувайт дар бахшҳои гуногун баррасӣ шуд
Тоҷикистон ва Амороти Муттаҳидаи Араб зарурати тавсеаи робитаҳои фарҳангиро таъкид намуданд
Дар Москва Рӯзи Парчами давлатии Ҷумҳурии Тоҷикистонро таҷлил намуданд
Дар Душанбе тавсеаи минбаъдаи муносибатҳои гуногунҷанбаи Тоҷикистон ва Амрико баррасӣ гардид
Ташкили даврҳои омӯзишӣ барои дипломатҳои ҷавони тоҷик дар Арабистони Саудӣ баррасӣ шуд
Дар Душанбе машваратҳои сиёсӣ байни Тоҷикистон ва Олмон доир шуд
Дар Риёз машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Арабистони Саудӣ баргузор шуданд
