БО ТАМҒАИ «ИСТЕҲОЛИ ТОҶИКИСТОН». Корхонаи «Субҳи Ватан» ба Туркия, Германия ва Қазоқистон 87 тонна хушкмева содирот намудааст

Декабрь 11, 2020 14:33

ДУШАНБЕ,11.12.2020/АМИТ«Ховар»/. Корхонаҳои  соҳа  ва соҳибкорони инфиродии мамлакат  соли равон ба миқдори 61274,1 ҳазор қуттии шартӣ консерваи меваю сабзавот истеҳсол намудаанд, ки нисбат ба  ҳамин давраи соли гузашта  35522,1 ҳазор қуттии шартӣ зиёд буда, суръати афзоиши он  237,9 фоизро ташкил менамояд. Аз ҷумла,  соли равон корхонаи «Субҳи Ватан»  беш аз 87 тонна меваи хушк ба маблағи зиёда аз 550 ҳазор сомонӣ ба  Туркия,  Германия,  Қазоқистон, инчунин  207,1 тонна консерва ба маблағи зиёда аз 570 ҳазор сомонӣ ба Қирғизистон, Қазоқистон ва Украина содирот кардааст.

Тибқи иттилои  Вазорати саноат ва технологияҳои нави Ҷумҳурии Тоҷикистон, дар ин давра корхонаҳои консервбарории «Оби Зулол», «Комбинати консервабарории Хуҷанд», «Сирдарё», «Куруши Кабир», «Шарбати мева», «Субҳи Ватан», «З.Ҳасанов» ва  «Комбинати хӯроквории Бохтар» пурмаҳсул фаъолият намудаанд. Ширкати «Оби Зулол» ба Қазоқистон 2609 ҳазор литр нӯшокиҳои ғайриспиртӣ, наздики 90 ҳазор  литр обҳои маъданӣ, 70 ҳазор литр шарбат, ҷамъ ба маблағи 9473,6 ҳазор сомонӣ,  ширкати «Кока-Кола- Нӯшокиҳои Тоҷикистон» 5929 ҳазор литр ба маблағи 19027,6 ҳазор сомонӣ ба Қирғизистон ва Қазоқистон ва «ММД» ба Афғонистон 14,8 ҳазор декалитр спирти этилӣ ба маблағи 1938 ҳазор сомонӣ содирот намудаанд. Дар маҷмӯъ, дар ин давра, корхонаҳои соҳа ба маблағи беш аз 31 миллиону 760 ҳазор сомонӣ маҳсулот  ба хориҷи кишвар  содирот  кардаанд.

Мусаллам аст, ки дар соҳаи саноати хӯрокворӣ ҷиҳати амалӣ намудани ҳадафи чоруми стратегии Ҳукумати Ҷумҳурии Тоҷикистон – саноатикунонии босуръати кишвар, зиёд намудани ҳиссаи маҳсулоти саноати хӯрокворӣ дар маҷмуи маҳсулоти саноатӣ ва  таҳкими  раванди бунёди корхонаҳои нав бо насби хатҳои  муосири технологӣ, истеҳсоли маҳсулоти босифату  рақобатпазири воридотивазкунанда ва ба содирот нигаронидашуда тадбирҳои зарурӣ андешида мешаванд. Зеро коркарди маҳсулоти кишоварзӣ ва истеҳсоли консерваҳои меваю  сабзавот  соҳаи  калидии саноати хӯрокворӣ ва яке аз маҳсулотҳои асосии содиротии кишвар маҳсуб меёбад.

Декабрь 11, 2020 14:33

Хабарҳои дигари ин бахш

«Саноатсодиротбонк» аъзои Ассотсиатсияи институтҳои молиявии рушд дар Осиё ва минтақаи уқёнуси Ором гардид
Тақвияти ҳамкории Бонки миллии Тоҷикистон бо ICBC ва RAMP дар Вашингтон баррасӣ гардид
Ҳиссаи хоҷагиҳои ҷамъиятӣ дар ҳаҷми умумии маҳсулоти кишоварзӣ бештар гардидааст
Дар ноҳияи Муъминобод кишти зироати кишоварзӣ идома дорад
НАҚЛИЁТИ БАРҚӢ. Тоҷикистон ба мавҷи аккумуляторҳои истифодашудаи онҳо чӣ гуна омодагӣ мебинад?
Муовини якуми Сарвазири Ҷумҳурии Тоҷикистон бо Президенти Гурӯҳи Бонки ҷаҳонӣ мулоқот намуд
Тоҷикистон дар самти моликияти зеҳнӣ дар даврони соҳибистиқлолӣ ба 39 созишномаю конвенсияҳои байналмилалӣ ҳамроҳ шуд
Бахшида ба Рӯзи байналмилалии моликияти зеҳнӣ як зумра ихтироъкорони Тоҷикистон қадрдонӣ карда шуданд
Дар Тоҷикистон шумораи субъектҳои хоҷагидорӣ 5,1 фоиз зиёд гардидааст
Ҳайати Тоҷикистон дар Малайзия бо дастовардҳо дар самти татбиқи Ҳадафҳои Рушди Устувор шинос гардид
Байни Тоҷикистон ва Русия дар соҳаи энергетика Протоколи муҳим ба имзо расид
Дар Душанбе доир ба масъалаи равишҳои инноватсионӣ дар соҳаи тиб ҳамоиш доир шуд