Марҳилаи дуюми Лоиҳаи минтақавии «Беҳтар намудани мубориза бар зидди малах» татбиқ мегардад
ДУШАНБЕ, 02.12.2020 /АМИТ «Ховар»/. Вазири кишоварзии Ҷумҳурии Тоҷикистон Сулаймон Зиёзода бо роҳбари намояндагии Созмони озуқаворӣ ва кишоварзии СММ дар Тоҷикистон Олег Гучгелдиев марҳилаи дуюми Лоиҳаи минтақавии «Беҳтар намудани мубориза бар зидди малах» ва Лоиҳаи ҳамкории техникии фавқулодаро таҳти унвони «Омодагӣ ва чораҷўии фаврӣ доир ба пешгирии зарари малах дар Тоҷикистон» ба имзо расонид.
Дар ин бора ба хабарнигори АМИТ «Ховар» аз маркази матбуоти Вазорати кишоварзии Ҷумҳурии Тоҷикистон иттилоъ доданд.
Марҳилаи аввали Лоиҳаи минтақавии «Беҳтар намудани мубориза бар зидди малах» дар ҳошияи сафари расмии Сарвазири Япония ба Ҷумҳурии Тоҷикистон Шиндзо Абэ моҳи октябри соли 2015 ба имзо расонида шуда, солҳои 2015-2018 бо иштироки ҷумҳуриҳои Тоҷикистон, Қирғизистон ва Афғонистон татбиқ гардид.
Марҳилаи дуюми лоиҳа солҳои 2020-2025-ро дар бар гирифта, дар ҷумҳуриҳои Тоҷикистон, Қазоқистон, Қирғизистон, Ӯзбекистон, Афғонистон ва Туркманистон татбиқ мегардад.
Бо мақсади кумаки иловагӣ аз ҷониби Намояндагии Созмони озуқаворӣ ва кишоварзии СММ дар Тоҷикистон Лоиҳаи ҳамкории техникии фавқулода таҳти унвони «Омодагӣ ва чораҷӯии фаврӣ доир ба пешгирии зарари малах дар Тоҷикистон» омода гардидааст. Ҳадафи асосии лоиҳаи мазкур тақвияти пойгоҳи моддию техникии МД «Экспедитсияи мубориза бар зидди малах» мебошад.
Бояд гуфт, ки лоиҳаҳои мазкур кумаки бебозгашт буда, аз ҷониби Ҳукумати Япония ва Созмони озуқаворӣ ва кишоварзии СММ маблағгузорӣ мегарданд. Бо дарназардошти вазъияти имрӯзаи ҷаҳон вобаста ба паҳн гардидани пандемияи COVID-19 маблағҳои дар доираи лоиҳаҳо барои мамлакат пешбинигардида ҷиҳати пешгирии хатари паҳншавии малах ва зарари он ба зироати кишоварзӣ мусоидат намуда, ба таъмини амнияти озуқавории ҷумҳурӣ кумак мерасонанд.
Ёдовар мешавем, ки маблағгузори лоиҳа Ҳукумати Япония буда, татбиқкунандаи он Намояндагии Созмони озуқаворӣ ва кишоварзии СММ дар Тоҷикистон ба ҳисоб рафта, Вазорати кишоварзӣ ҳамшарики татбиқкунандаи лоиҳа мебошад.
Дар нуҳ моҳи соли 2025 маблағи изофанависии неруи барқ дар Тоҷикистон беш аз 92 миллион сомониро ташкил медиҳад
Масъалаи истифодаи технологияҳои нав дар раванди истеҳсолот баррасӣ карда шуд
Доир ба нақши зеҳни сунъӣ дар ташаккули иқтисодиёти муосир конференсияи байналмилалӣ баргузор шуд
Ҳайати Тоҷикистон дар Форуми сеюми иқтисодии «Осиёи Марказӣ-Иттиҳоди Аврупо» иштирок намуд
Кишоварзони вилояти Суғд беш аз 90 фоизи нақшаи ҷамъоварии пахтаро иҷро намуданд
Сафири Тоҷикистон дар Дафтари федералии энергетикаи Швейтсария мулоқот анҷом дод
Дар Душанбе фаъолияти лоиҳаҳои амалии GIZ дар бахши иқтисод мавриди баррасӣ қарор гирифт
Кишоварзони ноҳияи Бобоҷон Ғафуров нақшаи ҷамъоварии пахтаро пурра иҷро намуданд
Дар Берн рушди соҳаи алоқа ва рақамикунонии хизматрасонии почта дар Тоҷикистон баррасӣ шуд
Масъалаи мондани панелҳои офтобӣ дар хонаҳои истиқоматӣ мавриди омӯзиш қарор мегирад
Дар Донишгоҳи давлатии Кӯлоб дар мавзуи моҳияти иқтисоди сабз конференсия баргузор шуд
Дар Кумитаи андоз масъалаҳои мубрами муқовимат ба коррупсия ва роҳҳои пешгирӣ он баррасӣ гардид
