Маҷлиси намояндагон Озмуни ҷумҳуриявии «Асари беҳтарин дар мавзӯи экология» эълон намудааст

Январь 13, 2021 11:50

ДУШАНБЕ, 13.01.2021 /АМИТ «Ховар»/. Ба истиқболи сазовори ҷашни миллӣ-30-солагии Истиқлоли давлатии Ҷумҳурии Тоҷикистон Комиссияи экологии Маҷлиси намояндагони Маҷлиси Олии Ҷумҳурии Тоҷикистон Озмуни ҷумҳуриявии «Асари беҳтарин дар мавзӯи экология» эълон намудааст.

Тибқи иттилои котиби матбуоти Маҷлиси намояндагон Муҳаммадато Султонов, дар озмун гурӯҳҳои эҷодӣ, журналистон, коршиносон, мутахассисон ва намояндагони ҷомеаи шаҳрвандӣ (минбаъд – «иштирокчиён») иштирок карда метавонанд.

Асару мақолаҳо бояд мавзӯъҳои зерини масоили экологиро инъикос намоянд:

— 30 соли Истиқлоли давлатӣ -қадамҳои устувор дар ҳифзи муҳити зист;

-тағйирёбии иқлим, чораҳои пешгирӣ ва мутобиқсозии иқтисодиёти мамлакат  ба оқибатҳои ногувори он;

— истифодаи устувори захираҳои обию энергетикӣ;

— инъикоси мавқеъ ва сиёсати давлатии Ҷумҳурии Тоҷикистон дар соҳаи ҳифзи муҳити зист, аз ҷумла, истифодаи захираҳои обию энергетикӣ;

— рушди энергетика ва рафъи камбизоатӣ;

— тарбия ва маърифати экологии аҳолӣ;

— ҳифзи гуногунии биологӣ;

— идоракунии партовҳо;

— нақлиёт ва ҳифзи ҳавои атмосфера.

Асарҳои ба озмун пешниҳодшаванда метавонанд бо забонҳои тоҷикӣ, русӣ ё англисӣ омода карда шаванд.

Асарҳое, ки ба озмун пешниҳод мегарданд, бояд тавассути рӯзномаю маҷаллаҳо, радио ва телевизион, шабакаи Интернет ба оммаи васеъ дастрас шуда бошанд. Нусхаҳои онҳо бо ариза ва ишораи «Ба Озмуни ҷумҳуриявии «Асари беҳтарин дар мавзўи экология» дар коғази андозаи А4 ва ҳуруфи Times New Roman Tj бо нишон додани ному насаб, суроға, суроғаи электронӣ ва телефонҳо бояд ба Комиссияи экологӣ ирсол карда шаванд. Комиссияи экологӣ метавонад асари ба озмун пешниҳодшударо дар сомонаи интернетии худ ва дигар воситаҳои ахбори омма ҷой диҳад.

Асарҳои пешниҳодшуда аз тарафи Комиссияи озмун баррасӣ мегарданд. Ҳангоми баррасӣ рӯзмарра будани масъалаҳои фарогирифтаи онҳо, тариқи кадом воситаи ахбори омма паҳн шудан (маҳаллӣ, ҷумҳуриявӣ), инчунин вокуниш ба онҳо ба инобат гирифта мешаванд.

Озмун дар як давр, аз 1 июли соли 2020 то 1 июни 2021 гузаронида шуда, дар Рӯзи байналмилалии муҳити зист (5 июн) ҷамъбаст хоҳад шуд.

Ғолибони озмун аз тарафи Маҷлиси намояндагони Маҷлиси Олии Ҷумҳурии Тоҷикистон бо мукофотҳои пулӣ ва туҳфаҳои хотиравӣ қадрдонӣ карда мешаванд.

Барои ғолибон чунин мукофотҳои пулӣ пешбинӣ шудаанд:

— ҷои якум — 5000 сомонӣ (1 ҷой);

— ҷои дуюм — 3500 сомонӣ (2 ҷой);

— ҷои сеюм — 2000 сомонӣ (5 ҷой).

Барои иштирокчиёни алоҳидаи озмун, ки асарҳои онҳо аз тарафи Комиссия махсус қайд мегардад, туҳфаҳои хотиравӣ муайян шудаанд.

Мукофотҳо ва туҳфаҳои хотиравӣ ба ғолибон аз тарафи раиси Комиссияи озмун давоми 10 рӯз баъд аз эълони натиҷаҳо супорида мешаванд.

Масъулони баргузории озмун Комиссияи экологии Маҷлиси намояндагони Маҷлиси Олии Ҷумҳурии Тоҷикистон ва нашрияи расмии Маҷлиси Олии Ҷумҳурии Тоҷикистон- «Садои мардум» мебошанд.

Суроға: шаҳри Душанбе, хиёбони Рӯдакӣ 42.
Телефон: (+ 992 37) 221-23-36. 222-21-77 Е-mail: ecocomission@yandex.ru. koe@parlament.tj
e.k.ekologi@yandex.ru

Январь 13, 2021 11:50

Хабарҳои дигари ин бахш

25 январ иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати шашум доир мегардад
Дар Маҷлиси намояндагон оид ба якчанд масъалаҳо қарорҳои дахлдор қабул гардиданд
26 январ ҷаласаи панҷуми якҷояи Маҷлиси миллӣ ва Маҷлиси намояндагони Ҷумҳурии Тоҷикистон, даъвати шашум доир мегардад
25 январ иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати шашум доир мегардад
Дар ҳайати захираҳои даъвати сафарбарӣ ба Қувваҳои мусаллаҳ тартиби нави хизмати ҳарбӣ пешбинӣ мегардад
Ҳамкории байнипарлумонии Тоҷикистон ва Озарбойҷон ба марҳилаи нав ворид гардид
Солеҳа Холмаҳмадзода: «Пешниҳод кардем, ки ба сокинони шаҳри Турсунзода ангишт тариқи ғайринақдӣ дода шавад»
Раиси Маҷлиси намояндагон Маҳмадтоир Зокирзода бо Сафири Россия дар Тоҷикистон мулоқот намуд
Аъзои КМИ Россия аз сарони комиссияҳои интихоботии Тоҷикистон, Қазоқистон, Ӯзбекистон ва Молдова даъват карданд, ки интихоботи Думаи давлатиро мушоҳида намоянд
Тағйиру иловаҳо ба Кодекси оила: шахсоне, ки ба ташкил ё нигаҳдошти фоҳишахонаҳо, инчунин даллагӣ машғул мебошанд, аз ҳуқуқи падарӣ ва модарӣ маҳрум мегарданд
Солеҳа Холмаҳмадзода дар шаҳри Турсунзода аз сокинон даъват намуд, ки бештар ба сабзавоткориву картошкапарварӣ ва пахтакорӣ афзалият диҳанд
Вакили Маҷлиси намояндагон Рустам Раҳматзода дар ноҳияи Ҷаббор Расулов бо интихобкунандагон мулоқот кард