Пешвои миллат Эмомалӣ Раҳмон: «Дар кишварамон бемории сироятии КОВИД-19 аз байн рафтааст»
ДУШАНБЕ, 26.01.2021 /АМИТ «Ховар»/. Аз оғози моҳи январ дар Тоҷикистон бемории сироятии КОВИД-19 аз байн рафтааст. Ин нуктаро имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми худ ба Маҷлиси Олӣ иброз доштанд.
Ин дар ҳолест, ки 31 декабри соли 2020 Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ба мухбири АМИТ «Ховар» изҳор дошта буд, ки дар Тоҷикистон сироятёбӣ аз COVID-19 метавонад соли оянда, яъне соли 2021 коҳиш ёфта, аллакай аввали тобистон аз байн бурда шавад.
Ёдовар мешавем, ки агентии иттилоотии Россия «Sputnik» чанде пеш иттилоъ дод, ки Тоҷикистон дар байни кишварҳои Осиёи Марказӣ дар мубориза бар зидди коронавируси нав пешсаф аст.
Ҳамзамон Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тайи чанд рӯзи охир иттилоъ медиҳад, ки дар Ҷумҳурии Тоҷикистон ягон ҳолати нави гирифторшавии шаҳрвандон ба бемории коронавируси нави COVID-19 ба қайд гирифта нашудааст.
Айни замон дар тамоми гузаргоҳҳои кишвар, ки шаҳрвандон аз хориҷи кишвар ворид мешаванд, табибон ба таври шабонарӯзӣ фаъолият бурда истодаанд. Дар навбати худ шаҳрвандоне, ки аз хориҷи кишвар ба тариқи гузаргоҳҳои сарҳадӣ ба Тоҷикистон ворид мешаванд, ҳамаҷониба аз ташхиси зарурӣ гузаронида ва бо карантини 14-рӯза фаро гирифта мешаванд.
Ҳамзамон имрӯз зимни ироаи Паёми хеш ба Маҷлиси Олии Тоҷикистон Сарвари давлат дар мавриди рӯзҳои охир ба қайд нагирифтани ин бемории ҳамагир иброз доштанд, ки “вале ин маънои онро надорад, ки мо ба саломатии худ ва атрофиён бепарвоӣ зоҳир намоем. Балки чун пештара бояд ҳушёр бошем, ба қоидаҳои беҳдоштӣ, шахсиву ҷамъиятӣ эътибори ҷиддӣ диҳем ва ҳамдигарро эҳтиёт кунем”.
Бино ба иттилои Вазорати тандурустӣ ва ҳифзи иҷтимоии аҳолии мамлакат, то 25 январ дар кишвар ягон ҳолати нави гирифторшавии шаҳрвандон ба бемории коронавируси нави COVID-19 ба қайд гирифта нашудааст. Шумораи умумии гирифторшавӣ ба бемории коронавирус 13 ҳазору 308 нафарро ташкил дода, аз ин шумора то 25 январ 13218 нафар ё 99,3% шифо ёфтаанд. Инчунин 90 нафар бар асари ин беморӣ фавтидаанд.
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
