11 феврал марҳилаи финалии Ҷоми ФФТ-2021 оғоз мешавад

Февраль 9, 2021 08:28

ДУШАНБЕ, 09.02.2021 /АМИТ «Ховар»/. Дирӯз дар қароргоҳи Федератсияи футболи Тоҷикистон маросими қуръакашии марҳилаи финалии Ҷоми ФФТ-2021 баргузор шуд. Бозиҳо дар варзишгоҳҳои марказии шаҳрҳои  Душанбе ва Ҳисор баргузор мешаванд. Дар ин бора шореҳи варзиши АМИТ «Ховар» бо истинод ба Федератсияи футболи Тоҷикистон иттилоъ медиҳад.

Марҳилаи ниҳоии мусобиқа аз 11 то 20 феврал  сурат мегирад  ва  дар он ҳашт даста  иштирок мекунанд.

Дар гурӯҳи «А» дастаҳои КМВА-и Душанбе, «Равшан»-и шаҳри  Кӯлоб, «Мастчоҳ»-и ноҳияи Мастчоҳ  ва «Истиқлол»-и шаҳри Душанбе ва дар гурӯҳи «Б» дастаҳои  футболи  «Эсхата-2»-и шаҳри Хуҷанд, «Барқчӣ»-и шаҳри Ҳисор, «Хатлон»-и шаҳри Бохтар  ва «Регар-ТадАЗ»-и  шаҳри Турсунзода ширкат мекунанд.

Тибқи муқаррароти Ҷоми Федератсия-2021, аз рӯи натиҷаҳои марҳилаи гурӯҳӣ аз ҳар гурӯҳ ду даста ба даври ½-ниҳоӣ роҳхат мегиранд. Вохӯрии ниҳоии Ҷоми ФФТ 20 феврал ба нақша гирифта шудааст.

Дар даври аввал 11 феврал дастаҳои  КМВА бо  «Истиқлол», «Равшан» бо «Мастчоҳ», «Эсхата-2»  бо «Регар-ТадАЗ»  ва «Барқчӣ»  бо «Хатлон»  бозӣ мекунанд.

Дар асоси низомномаи мусобиқа, дар натиҷаи марҳилаи гурӯҳӣ аз ҳар гурӯҳ дудастаӣ ба нимфинал роҳхат мегиранд. Қисмати финалии Ҷоми ФФТ-2021 20 феврал ба нақша гирифта шудааст.

Ҷоми ФФТ-2021. Марҳилаи финалӣ

Гурӯҳи «А»
КМВА (Душанбе)
«Равшан» (Кӯлоб)
«Мастчоҳ» (Мастчоҳ)
«Истиқлол» (Душанбе)

Гурӯҳи «Б»
«Эсхата-2» (Хуҷанд)
«Барқчӣ» (Ҳисор)
«Хатлон» (Бохтар)
«Регар-ТадАЗ» (Турсунзода)

Ҷадвали бозиҳо

Даври 1-ум
11 феврал (панҷшанбе)

Гурӯҳи «А»
КМВА – «Истиқлол»
«Равшан» – «Мастчоҳ»

Гурӯҳи «Б»
«Эсхата-2» – «Регар-ТадАЗ»
«Барқчӣ» – «Хатлон»

Даври 2-юм

13 феврал (шанбе)

Гурӯҳи «А»
«Истиқлол» – «Мастчоҳ»
КМВА – «Равшан»

Гурӯҳи «Б»
«Эсхата-2» – «Хатлон»
«Регар-ТадАЗ» – «Барқчӣ»

Даври 3-юм

15 феврал (душанбе)

Гурӯҳи «А»
«Равшан» – «Истиқлол»
«Мастчоҳ» – КМВА

Гурӯҳи «Б»
«Барқчӣ» – «Регар-ТадАЗ»
«Хатлон» – «Эсхата-2»

Февраль 9, 2021 08:28

Хабарҳои дигари ин бахш

Дар шаҳри Бохтар мавсими нави театрӣ оғоз ёфт
«ОЛАМИ ГУЛДӮЗИИ ТОҶИКОН». Дар Осорхонаи миллии қолинҳои Озарбойҷон намоиши гулдӯзии тоҷикон доир шуд
Иштирокдорони конфронси байналмилалӣ намоиши ҷашнии «Ҳофизи Шерозӣ ва ҳунари хушнависии тоҷик»-ро тамошо намуданд
Даври ҷамъбастии Озмуни ҷумҳуриявии «Тоҷикистон — Ватани азизи ман» оғоз гардид
Дар Сеул байни китобхонаҳои миллии Тоҷикистон ва Корея Ёддошти тафоҳум ба имзо расид
Директори Театри опера ва балети Тоҷикистон ба кишварҳои ИДМ ҳамкории эҷодӣ ва таълимӣ пешниҳод намуд
Дар Бӯстон ба ифтихори Рӯзи забони давлатӣ ҳамоиш баргузор гардид
МУЖДАҲОИ РУҲБАХШИ ЗИНДАГӢ ДАР ШЕЪРИ ҲОФИЗ. Эҳдо ба таҷлили Рӯзи байналмилалии Хоҷа Ҳофизи Шерозӣ
Маркази саратоншиносии вилояти Суғд бо таҷҳизоти табобатии нурии саратонӣ таъмин гардид
Тараннуми дӯстию рафоқат ва мақоми инсон дар ҷомеа дар маркази афкори эҷодии Ҳофизи Шерозӣ қарор дорад
Чанд мулоҳиза дар бораи нусхаи тозаи «Девон»-и Ҳофиз. Эҳдо ба 700-солагии зодрӯзи Ҳофизи Шерозӣ
ШАҲРИ ҲУНАРМАНДӢ ВА ҲУНАРМАНДОН. Истаравшан макони ҷалби сайёҳон аст