Абдуҷаббор Раҳмонзода аз «Маркази илмӣ-таҳқиқотии Мавлоношиносӣ»-и Донишгоҳи давлатии Бохтар дидан намуд
ДУШАНБЕ, 03.02.2021 /АМИТ «Ховар»/. Имрӯз Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода аз «Маркази илмӣ-таҳқиқотии Мавлоношиносӣ»-и назди Институти илмӣ-таҳқиқотии Донишгоҳи давлатии Бохтар ба номи Носири Хусрав дидан намуд.
Тавре сардори маркази таҳлилӣ-иттилоотии Донишгоҳи давлатии Бохтар ба номи Носири Хусрав Комрони Бахтиёр иттилоъ дод, зимни боздид раиси вилояти Хатлон Қурбон Ҳакимзода, раиси шаҳри Бохтар Сиҷовиддин Саломзода ва ректори донишгоҳ Сайфиддин Давлатзода низ иштирок доштанд.
Зикр гардид, ки раёсати Донишгоҳи давлатии Бохтар ба номи Носири Хусрав ҷиҳати муаррифии «Маркази илмӣ-таҳқиқотии Мавлоношиносӣ» баргузории конференсияи илмӣ-амалии ҷумҳуриявиро ба нақша гирифтааст, ки 12-13 марти соли равон доир мешавад.
Бояд гуфт, ки «Маркази илмӣ-таҳқиқотии Мавлоношиносӣ» дар ҷаласаи Шӯрои олимони Донишгоҳи давлатии Бохтар 26 январи соли равон мавриди баррасӣ қарор гирифта, дар назди Институти илмӣ-таҳқиқотии донишгоҳ таъсис дода шуд.
Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода зимни сафари корӣ аз ноҳияи Ҷалолиддини Балхӣ ва дигар иншооти соҳавӣ, ки бахшида ба ҷашни 30-солагии Истиқлоли давлатӣ бунёд мегарданд, дидан намуд.
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
Имрӯз дар боғҳои шаҳри Душанбе рӯзҳои фарҳанги ВМКБ ва ноҳияи Файзобод баргузор мегарданд
Дар Душанбе рӯзи фарҳанги ноҳияҳои Ишкошим ва Мурғоб баргузор шуд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
БОЗЁФТИ НОДИР. Сиккаҳои замони Сомониён дар Хутали Қадим кашф гардиданд
