Чаро дар китобхонаҳои ҷамоатҳои деҳоти шаҳри Роғун китобҳои бачагона каманд?
РОҒУН, 09.02.2021. /АМИТ «Ховар»/. Хабарнигори АМИТ «Ховар» Субҳониддини Маҳмуд зимни нишасти матбуотӣ аз роҳбарони шаҳри Роғун сабаби кам будани китобҳои бачагона дар китобхонаҳои ҷамоатҳои деҳоти шаҳри Роғун ва аз ин ҳисоб қонеъ нагардидани талаботи наврасон ба китобҳои тозанашри дилхоҳашонро пурсон шуд.
Масъулин дар посух гуфтанд, ки соли 2019 бо маблағи зиёда аз панҷ ҳазор сомонӣ ва соли 2020 бо маблағи зиёда аз ҳафт ҳазор сомонӣ барои китобхонаҳои бахши фарҳанги шаҳр китобҳои тозанашр хариданд. Соли 2020 барои китобхонаҳои соҳаи маориф аз ярмаркаи баргузорнамудаи нашриёти «Адиб» дар шаҳри Роғун бо маблағи зиёда аз 75 ҳазор сомонӣ китобҳои тозанашр харида шуданд. Директори китобхонаҳои марказонидашудаи бахши фарҳанги шаҳри Роғун Муродбек Раҳимов гуфт, ки айни замон дар китобхонаҳои шаҳри Роғун 13 ҳазору 64 нусха китобҳои бачагона мавҷуд мебошанд, ки қисми зиёди он аз замони шӯравӣ бо забони русӣ боқӣ мондааст. Вале дар вақти хариди китобҳои тозанашр дархости мудирони китобхонаҳои деҳоти шаҳр ба назар гирифта намешавад. Аз ин ҳисоб хоҳиши хонандагони наврас қонеъ намегардад.
Раиси шаҳри Роғун Музаффар Сулаймонзода зимни нишасти матбуотӣ изҳор намуд, ки Мақомоти иҷроияи ҳокимияти давлатии шаҳри Роғун ҷиҳати дар сатҳи баланд пешвоз гирифтани ҷашни 30-солагии Истиқлоли давлатии Ҷумҳурии Тоҷикистон нақшаи чорабиниҳо таҳия намудааст, ки аз 145 банд иборат мебошад. То имрӯз 90 банди ин нақша амалӣ шудааст. Иншооте, ки бахшида ба ин ҷашни фархунда сохта мешаванд, аз муассисаҳои таълимӣ, муассисаи томактабӣ, бунёди гулгаштҳо, таъмиру барқарорсозӣ, равшаннамоии маҳаллаҳо, бунгоҳи тиббӣ, коргоҳи дӯзандагӣ, марказҳои сайёҳӣ, дорухона ва дигар намуди иншооти хизматрасонӣ иборат мебошанд.
Сокинону соҳибкорони шаҳри Роғун барои дар сатҳи баланд пешвоз гирифтани ин санаи таърихӣ дар созандагию бунёдкории ватану диёри хеш саҳми арзанда гузошта истодаанд.
Зимни нишаст зикр шуд, ки соли 2020 аз ҳисоби маблағҳои иловагии буҷети маҳаллии шаҳри Роғун барқарорсозии системаи гармидиҳӣ ва васли деги обгармкунаки ангиштӣ дар қисми низомии 051058-и Гвардияи миллии Ҷумҳурии Тоҷикистон дар шаҳри Роғун бо маблағи 208,4 ҳазор сомонӣ ва таъмири асосии ошёнаи сеюми беморхонаи минтақавии ҷамоати шаҳраки Оби гарми шаҳри Роғун бо маблағи 147, 2 ҳазор сомонӣ ба анҷом расонида шуд.
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
