Дар Агентии назорати маводи нашъаовар бахшида ба Артиши миллӣ ҷаласаи тантанавӣ баргузор гардид

Февраль 20, 2021 10:18

ДУШАНБЕ, 20.02.2021 /АМИТ «Ховар»/. Дар Агентии назорати маводи нашъаовари назди Президенти Ҷумҳурии Тоҷикистон ҷаласаи тантанавӣ бахшида 28-умин солгарди таъсиси Артиши миллӣ, ки рукни асосии давлат ва сипари боэтимоди Ватан мебошад, баргузор карда шуд. Дар ин бора аз Агентии назорати маводи нашъаовар ба АМИТ «Ховар» хабар доданд.

Директори  Агентӣ, генерал майори адлия Ҳабибулло Воҳидзода чорабиниро оғоз намуда, зикр кард, ки Артиши миллӣ ва бунёди Қувваҳои муссалаҳ дар ҳақиқат зодаи даврони истиқлол мебошад, ки ҳамагӣ баъд аз якуним соли ба даст овардани истиқлолияти давлатӣ, дар марҳилаи ниҳоят вазнин ва ҳассоси таърихӣ, дар шароите таъсис дода шуд, ки мавҷудияти давлати тоҷикон ва бақои истиқлолияти он таҳти хатари нобудӣ қарор дошт.

Бояд тазаккур дод, ки Қувваҳои Мусаллаҳи Ҷумҳурии Тоҷикистон, ки як ҷанги дохилии ҳудудан панҷсоларо ҳам пушти сар гузошт дар миёни неруҳои ҳарбии дигар кишварҳои ҳамсоя таҷрибаи зиёдеро кашф намудааст. Замоне, ки бо мухолифони мусаллаҳ меҷангид, басо таҷрибаҳои ҷангиро омӯхт ва имрӯз бо истифода аз он дар шуури ҳайати шахсӣ ҳисси баланди миллӣ, ватандӯстиву ватанпарастӣ ва худогоҳиву худшиносиро бо масъулияти баланд мепарварад.

Ҳамчунин  директори  Агентӣ таъкид дошт, ки афсарону сарбозон ва ҷавонони баору номуси тоҷик бояд доимо зираку ҳушёр бошанд, то фазои орому осудаи имрӯзаи кишварро, ки ба ивази ҷони ҳазорон нафар ҷавонмардони бонангу номуси миллат ба даст омадааст, чун гавҳараки чашм ҳифз намоянд. Ҳамчунин қайд карданд, ки ҳар як афсару сарбоз таърих, забону фарҳанг, расму ойинҳои миллӣ ва ҳар ваҷаб пораи хоки Тоҷикистонро азизу муқаддас шуморида, ҳифз кардани онро барои худ қарзи фарзандӣ ва шарафи бузург шуморанд.

Дар чорабинии тантанавӣ афсарони собиқадор ва ҷавони Агентӣ низ баромад намуда, иброз доштанд, ки ба савганди ҳарбии худ ҳамеша содиқ монда, рисолати фарзандиро дар назди Ватан, миллат ва давлат минбаъд низ содиқона адо мекунанд ва тамоми донишу таҷриба, малакаву маҳорати худро ба хотири ҳифзи марзу буми кишвари азиз сафарбар сохта, ҷашни бузургу муқаддаси миллиамон – 30-солагии Истиқлолияти давлатиро бо хизмати содиқона, интизоми намунавӣ ва омодабошии баланд истиқбол мегиранд.

Дар хотимаи чорабинӣ якқатор афсарону кормандон бо рутба, Ифтихорнома ва дигар туҳфахои хотиравӣ аз ҷониби роҳбарияти Агентӣ қадрдонӣ карда шуданд.

Февраль 20, 2021 10:18

Хабарҳои дигари ин бахш

COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
СИТОДИ ҶУМҲУРИЯВӢ: барои гузаронидани ваксинатсияи аҳолӣ бар зидди сирояти нави коронавирус чорабиниҳои омодагӣ ба роҳ монада шавад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Зарина Норова: «Занҳои афғон низ мехоҳанд чун мо Сарвари ғамхор дошта бошанд, то ҳамроҳи фарзандон дар фазои орому осуда умр ба сар баранд»
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
COVID-19. Беш аз 80%-и аҳолии Тоҷикистон бар зидди коронавирус ваксина гирифтан мехоҳанд
Шабонарӯзи охир дар ҷаҳон зиёда аз 440 ҳазор ҳолати сирояти коронавирус ошкор гардид
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Дар Душанбе Форуми ҷумҳуриявӣ оид ба баланд бардоштани маърифати сиёсию ҳуқуқии занону ҷавондухтарон баргузор шуд
Президенти Тоҷикистон Эмомалӣ Раҳмон пешниҳод намуданд, ки соли 2025 Соли байналмилалии ҳифзи пиряхҳо эълон ва санаи Рӯзи ҷаҳонии ҳифзи пиряхҳо муайян карда шавад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
ЧӢ ТАВР ТОҶИКИСТОН БАР КОРОНАВИРУС ПИРӮЗ ШУД. Кишварҳои ИДМ масунияти аҳолиро нисбат ба COVID-19 таҳқиқ мекунанд

Маводҳои таҳлилӣ