Дилмурод Давлатзода: Шумораи нафақагирон нисбат ба соли 2019 2,6 фоиз афзоиш ёфтааст

Февраль 9, 2021 14:51

ДУШАНБЕ, 09.02.2021 /АМИТ «Ховар»/. Шумораи умумии нафақагирон дар ҷумҳурӣ то 1 январи соли равон  729 385 нафарро ташкил медиҳад, ки нисбат ба ҳамин давраи соли гузашта 18 163 нафар ё 2,6 фоиз афзоиш ёфтааст.

Дар ин хусус  директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон  Дилмурод Давлатзода  имрӯз   зимни нишасти матбуотӣ  ба намояндагони воситаҳои ахбори омма иттилоъ дод.

Дилмурод Давлатзода  ҳамчунин  изҳор дошт, ки дар асоси Паёми навбатии Президенти Ҷумҳурии Тоҷикистон 1 сентябри соли равон афзоиши нафақаи маъюбони аз синни кӯдакӣ ва маъюбони то 18-сола, ки дар асоси қонунҳои Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» ва «Дар бораи нафақаҳои суғуртавӣ ва давлатӣ» таъйин шудааст, инчунин маъюбони гурўҳи 1-ум, ки ба онҳо дар асоси Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» нафақа таъйин гардидааст, зиёд гардид.

«Дар доираи ислоҳот дар низоми таъмини нафақа ҷиҳати такмили низом ва бартараф намудани омилу душвориҳое, ки дар таъмини ҳуқуқҳои иҷтимоии шаҳрвандон ба миён меоянд, тағйироту иловаҳо ба қонунгузориҳои соҳавӣ таҳия ва барои баррасӣ ба Ҳукумати Ҷумҳурии Тоҷикистон пешниҳод гардида, ҳамзамон якчанд санадҳои меъёрии дохилӣ, аз ҷумла «Қоидаҳои ташкили таъйиноти нафақаҳои суғуртавӣ» ва «Тартиби таъйин намудани нафақаҳои иҷтимоӣ» таҳия ва тасдиқ карда шуд. Дар баробари ин, барои барқарор кардани низоми баҳисобгирии нафақа ва мушаххас намудани омори соҳавӣ зиёда аз 130 шакли ҳуҷҷатҳо ва ҳисобот таҳия карда шудаанд», гуфт мавсуф дар шарҳи бештари ин масъала.

Зикр шуд, ки   бо мақсади дастгирии кормандон ва аъзои оилаи онҳо ба Қарори Ҳукумати Ҷумҳурии Тоҷикистон «Дар бораи тартиб ва андозаи хароҷоти маблағҳои суғуртаи иҷтимоӣ барои табобати санаторию курортӣ, ташкили истироҳати кормандон ва аъзои оилаи онҳо ва чорабиниҳои солимгардонию пешгирикунанда дар корхонаҳо» тағйирот ворид гардида, меъёри истифодаи ин маблағҳо ба 1,5 фоиз расонида ва доираи истифодаи ин маблағҳо нисбатан васеъ гардонида шуд.

Дар ҷараёни нишаст зикр шуд, ки «Оид ба тадбирҳои амалисозии Фармони Президенти Ҷумҳурии Тоҷикистон «Дар бораи пешгирии таъсири бемории сироятии COVID-19» рӯйхатҳои ном ба номи гурӯҳҳои осебпазири аҳолӣ, маъюбон, иштирокчиёни ҶБВ, нафақагирони синну соли иҷтимоӣ, ятимони кулл ва кӯдакони маҳрумшуда аз саробон барои пардохти кумакпулии якдафъаина пешниҳод гардида, дар асоси он ба 265 749 шахсони эҳтиёҷманд ба андозаи 400,0 сомонӣ, дар маҷмӯъ ба маблағи 107,1 млн.сомонӣ кумакпулии якдафъаина пардохт карда шуд.

Февраль 9, 2021 14:51

Хабарҳои дигари ин бахш

Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад