Имрӯз бозиҳои даври навбатии марҳилаи ниҳоии Ҷоми ФФТ-2021 оғоз мешаванд

Февраль 13, 2021 09:30

ДУШАНБЕ, 13.02.2021 /АМИТ «Ховар»/. Имрӯз, 13 феврал дар варзишгоҳҳои марказии шаҳри Душанбе ва Ҳисор бозиҳои  даври навбатии марҳилаи ниҳоии Ҷоми ФФТ-2021 доир хоҳанд шуд. Дар даври дуюм, дар гурӯҳи «А» дастаҳои футболи «Истиқлол»-и  шаҳри Душанбе  бо «Мастчоҳ»-и ноҳияи Мастчоҳ, КМВА-и Душанбе бо «Равшан»-и шаҳри Кӯлоб, дар гурӯҳи «Б» дастаи футболи  «Регар-ТадАЗ»-и шаҳри Турсунзода  бо дастаи  «Хатлон»-и шаҳри Бохтар  байни ҳам рақобат мекунанд. Дар ин бора шореҳи варзиши АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад.

11 феврали равон дар варзишгоҳҳои марказии шаҳри Душанбе ва Ҳисор марҳилаи ниҳоии Ҷоми ФФТ оғоз гардид. Дар бозии аввал дар гурӯҳи «А» дастаҳои  футболи «Равшан»-и шаҳри Кӯлоб ва «Мастчоҳ»- и ноҳияи Мастчоҳ бозӣ карданд. Дидори дастаҳо дар Варзишгоҳи марказии шаҳри Душанбе баргузор гардида, бо ҳисоби 5:2 ба фоидаи футболбозони шаҳри Кӯлоб ба анҷом расид. Дар ин бора  аз  Федератсияи футболи Тоҷикистон ба хабарнигори АМИТ «Ховар»  хабар доданд.

Дар оғози бозӣ, аниқтараш дар дақиқаи 4-ум ҳамлагари дастаи  «Равшан»-и шаҳри Кӯлоб Наврӯз Рустамов ҷаримаи 11-метраро бехато иҷро намуда, ҳисобро кушод. Бо гузоштани 7 дақиқа Муҳсин Рустамзода аз дастаи «Мастчоҳ» таносубро барқарор намуд. Гуаве Алфред Окаи- легионери дастаи «Равшан» дар дақиқаи 41-уми дидор як гол зада, дубора дастаашро ба пеш баровард. Қисми аввал бо ҳамин натиҷа поён ёфт.

Дар дақиқаи 70-ум футболбози дастаи «Мастчоҳ» Салоҳиддин Одиназода ҳисобро баробар кард. Аз дақиқаи 80-ум то охири дидор шогирдони Ғайраталӣ Мираҳмадов ба дарвозаи футболбозони ин дастаи вилояти Суғд 3 гол заданд. Дар дақиқаи 80-ум Аваз Қамчинов ҳисобро 3 бар 2 намуд. Дар дақиқаи 90-ум Шодӣ Муродов голи чоруми дастаашро ба ҳадаф расонид. Дар дақиқаи 2-юми изофа  Далер Чалов ба бозӣ нуқта гузошт.

Бо ҳамин тартиб дар рақобати аввали марҳилаи ниҳоии Ҷоми ФФТ дар гурӯҳи «А» дастаи футболи  «Равшан»-и шаҳри Кӯлоб  бо ҳисоби калони 5 бар 2  дастаи   «Мастчоҳ»-и  ноҳияи Масчоҳро мағлуб намуд.

Дар бозии дигар дастаи футболи  «Истиқлол»-и шаҳри  Душанбе  бо ҳисоби 2:0 КМВА-ро мағлуб кард. Дар гурӯҳи  «Б», ки дар он се даста бозӣ мекунад, вохӯрӣ байни дастаҳои футболи «Барқчӣ»-и  шаҳри Ҳисор ва «Хатлон»-и  шаҳри  Бохтар доир шуд. Футболбозони бохтарӣ дар ин бозӣ ба дарвозаи барқчиён 5 голи беҷавоб заданд.

Февраль 13, 2021 09:30

Хабарҳои дигари ин бахш

Бахшида ба Рӯзи варзишгарон дар Панҷакент майдончаи муосири варзишӣ ба истифода дода шуд
Дар Ниммарафони байналмилалии экологии кӯҳии «Seven Lakes» варзишгарони 10 давлати ҷаҳон иштирок намуданд
Ноибони Президенти ФФТ бо ҳолати омодагии варзишгоҳҳои шаҳри Ҳисор ба мусобиқаҳои байналмилалӣ шинос шуданд
Соли 2025 варзишгарони Тоҷикистон дар мусобиқаҳои байналмилалӣ 238 медал ба даст оварданд
НИШАСТИ МАТБУОТӢ. Донишҷӯёни Донишкадаи тарбияи ҷисмонӣ дар мусобиқаҳои байналмилалӣ соҳиби 26 медал шуданд
Таеквондочиёни тоҷик дар Чемпионати Осиё дар Малайзия ду медали биринҷӣ ба даст оварданд
Паҳлавонони тоҷик «Ulaanbaatar Grand Slam-2025»-ро бо як медали нуқра ҷамбаст намуданд
Марҳилаи якуми даврҳои омӯзишӣ оид ба барномаи литсензияи «B» идома дорад
Имрӯз мусобиқаи байналмилалии «Ulaanbaatar Grand Slam-2025» оид ба гӯштини ҷудо оғоз меёбад
Дар Чемпионати ҷаҳон оид ба варзиши намудҳои обӣ 2 варзишгари Тоҷикистон иштирок менамоянд
Бозии интихобии Ҷоми Осиё-2027 байни Тоҷикистон ва Малдив дар Хуҷанд баргузор мешавад
Тоҷикистон бозиҳои марҳилаи интихобии Ҷоми Осиё-2026 байни духтарони то 17-соларо мизбонӣ менамояд