Оверчук: Россия омода аст содироти техника ва таҷҳизоти кишоварзиро ба Тоҷикистон густариш диҳад
ДУШАНБЕ, 10.02.2021 /АМИТ «Ховар»/. Россия омода аст, ки содироти техника ва таҷҳизотро барои бахши кишоварзии Тоҷикистон тавсеа диҳад. Тавре ТАСС хабар медиҳад, дар ин бора муовини сарвазири Федератсияи Россия Алексей Оверчук дар ҷаласаи Комиссияи байниҳукуматии ҳамкории иқтисодии Федератсияи Россия ва Тоҷикистон изҳор доштааст.
«Муовини раиси ҳукумат омодагии ҷониби Россияро барои тавсеаи номгӯйи содироти теника ва таҷҳизоти муосири сермаҳсули кишоварзӣ бо ҷалби агентиҳои содиротии Россия ба лоиҳаҳои барномаҳои лизингӣ ва афзори муосир эълон кард», — хабар дода шудааст дар сомонаи Ҳукумати Россия дар ҷамъбасти маҷлисе, ки таҳти раёсати Оверчук ва Сарвазири Тоҷикистон Қоҳир Расулзода баргузор гардид.
Зикр шудааст, ки Федератсияи Россия шарики асосии иқтисодии Тоҷикистон боқӣ мемонад ва дар 11 моҳи соли 2020 ҳаҷми савдои мутақобила 740,8 миллион долларро ташкил додааст.
Оверчук инчунин зарурати талошҳои минбаъдаро барои таҳкими ҳамкории тиҷоративу иқтисодӣ зикр кард, ки аз ҷумла, яке аз самтҳои ояндадор — соҳаи технологияҳои иттилоотӣ ва коммуникатсионӣ мебошад. «Ширкатҳои IT -и Россия барои барқарор кардани робитаҳо бо ҷониби Тоҷикистон алоқаманданд ва омодаанд, ки пеш аз ҳама, дар соҳаҳои ҳукумати электронӣ, шаҳри ҳушманд ва бехатар, амнияти иттилоотӣ, инчунин дар соҳаҳои таҳсилоти фосилавии рақамӣ ва телемедитсина, ки дар шароити пандемия аҳамияти бештар касб менамоянд, пешниҳодҳои муосири худро пешкаш намоянд», — дарҷ шудаанд ин суханони ӯ дар сомонаи Девони вазирон.
Тарафҳо инчунин дар мавриди боздиди мутахассисони Роспотребнадзор аз Тоҷикистон ба мувофиқа расиданд ва аҳамияти рушди ҳамкориро дар соҳаи муҳоҷират зикр карданд.
Тавре АМИТ “Ховар” пештар хабар дода буд, 8-9 феврал дар Москва ҷаласаи 17-уми Комиссияи байниҳукуматии ҳамкории иқтисодии Тоҷикистон ва Россия баргузор шуд. Дар он маҷмӯи масъалаҳои ҳамкории кишварҳо дар соҳаҳои сиёсӣ, тиҷоратӣ, иқтисодӣ, сармоягузорӣ, фарҳангӣ-гуманитарӣ ва самтҳои дигар баррасӣ шуданд.
АКС аз бойгонӣ
Гурӯҳи кории Ҳукумати Тоҷикистон бо вазъи соҳаи кишоварзӣ дар ноҳияи Деваштич шинос гардид
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Ширкати «Carpi» дар бунёди неругоҳҳои барқи обӣ дар дарёи Зарафшон иштирок менамояд
Ҳамкории Палатаи ҳисоби Тоҷикистон бо Ташкилоти байналмилалии рушди ИНТОСАЙ тақвият меёбад
Ҳамкории Тоҷикистон ва Эфиопия дар соҳаи авиатсия баррасӣ шуд
Мақомоти гумруки Тоҷикистон 6 ҳазору 490 қуттӣ маҳсулоти тамокуи ба таври қочоқ воридшударо ошкор намуд
Дар ноҳияи Муъминобод 4 ҳазору 92 тонна ангур ҷамъоварӣ карда шуд
БА ТАВАҶҶУҲИ ШИРКАТҲОИ НАҚЛИЁТӢ. Дар Русия ва Беларус низоми муҳру муми навигатсионӣ ҳангоми ҳамлу нақли автомобилӣ амалӣ шуд
Дар Теҳрон масъалаи таҳвили нафти хом аз Эрон ба Тоҷикистон баррасӣ гардид
Дар фурудгоҳҳои байналмилалии Тоҷикистон таҷҳизоти техникии «Дарвозаҳои электронӣ» насб карда мешавад
Ҳамкории Тоҷикистон ва Испания дар соҳаи сайёҳӣ тақвият меёбад
Бонки миллии Тоҷикистон: «Ба ваъдаҳои дурӯғ дода нашуда, худ ва наздиконатонро аз қаллобони интернетӣ эҳтиёт намоед!»
