Бозии байни дастаҳои футболи мунтахаби Тоҷикистон ва Муғулистон бо ғалабаи футболбозони тоҷик анҷом ёфт
ДУШАНБЕ, 26.03.2021 /АМИТ «Ховар»/. Шоми 25 март дар Варзишгоҳи марказии шаҳри Душанбе бозии даври 7-уми марҳилаи дуюми интихобии Чемпионати ҷаҳон-2022 байни дастаҳои футболи мунтахаби Тоҷикистон ва Муғулистон дар сатҳи баланд баргузор гардида, бо ҳисоби 3:0 бар нафъи футболбозони шинохтаи тоҷик анҷом ёфт. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Дар ин рақобати шадид шогирдони Усмон Тошев сабқатро фаъолона оғоз карда, ҳанӯз дар дақиқаи 3-юм бо голи задаи Манучеҳр Ҷалилов пешсаф шуданд. Дар идомаи бозӣ футболбозони тоҷик имкони афзун намудани ҳисобро доштанд, ҳатто як дафъа дарвозаи ҳарифро ишғол намуданд, вале довар онро раво нашуморид. Ҳамин тавр қисми аввали бозӣ бо бартарии як голи дастаи мунтахаби Тоҷикистон хотима ёфт. Мисли қисми аввали бозӣ дар оғози пайти дуюм дастаи мунтахаби Тоҷикистон бошиддат рақобат карда, бо талоши Алишер Ҷалилов дар дақиқаи 50-ум ҳисоби рақобат 2:0 ба фоидаи дастаи мунтахаби Тоҷикистон шуд. Голе, ки ғалабаи зарурии дастаи мунтахаби Тоҷикистонро таъмин кард, дар охири бозӣ аз сӯи Шаҳром Самиев ба ҳадаф расонида шуд. Футболбозе, ки 8 дақиқа пеш аз захира вориди майдон шуда, Манучеҳр Ҷалиловро иваз кард.
Ҳамин тавр, бозии дастаҳои мунтахаби Тоҷикистон ва Муғулистон бо бартарии 3:0 ба суди футболбозони тоҷик хотима ёфт. Баъди ин ғалаба дастаи мунтахаби Тоҷикистон дар гурӯҳи «Ғ» мавқеи худро беҳтар намуда, як зина боло баромад. Ҳоло бо касби 10 хол дар зинаи дуюми гурӯҳ мавқеъ гирифтааст.
Ин аввалин рӯйдоди варзишист, ки баъд аз пандемия бо иштироки дастаҳои мунтахаби Тоҷикистон ва Муғулистон бозии расмии футбол бо иштироки шумораи зиёди мухлисон доир шуд.
Ҷоми ҷаҳон-2022
Марҳилаи интихобӣ. Давраи дуюм
Гурӯҳи «F». Даври 7-ум
Тоҷикистон – Муғулистон – 3:0
Голҳо: Манучеҳр Ҷалилов, 3. Алишер Ҷалилов 50, Шаҳром Самиев 87.
Ин бозии ҷолибро шоми 25 март дар Варзишгоҳи марказии шаҳри Душанбе 9300 нафар тамошо карданд.
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
