Директори АМИТ «Ховар» директори генералии ТАСС Сергей Михайловро бо 50-солагӣ табрик намуд
ДУШАНБЕ, 17.03.2021 / АМИТ «Ховар» /. Имрӯз директори генералии Агентии давлатии иттилооти Россия ТАСС Сергей Михайлов 50-сола шуд. Ба ин муносибат, роҳбари АМИТ «Ховар» Саидалӣ Сиддиқ ба ҳамкасби худ номаи табрикотӣ ирсол намуд.
Матни номаи табрикотӣ дар поён оварда мешавад.
Ба директори генералии
Агентии иттилоотии Россия ТАСС
МИХАЙЛОВ С.В.
Муҳтарам Сергей Владимирович!
Шуморо бо 50-солагӣ самимона табрик мегӯям!
Имрӯз ТАСС, ки Шумо онро тайи нӯҳ сол аст роҳбарӣ менамоед, бо доштани таърихи беш аз 100-сола ва маҳсулоти муосири иттилоотӣ, порталҳои ҷолиби мултимедиявӣ ва бойгонии беназир яке аз бузургтарин агентиҳои иттилоотӣ дар ҷаҳон маҳсуб меёбад.
Сифатҳои шахсии роҳбарии Шумо — салоҳиятнокӣ дар касби худ, қобилияти фикрронии амиқ, хушгуфторӣ ва қотеъият, ки дар якҷоягӣ калиди муваффақияти ҳайати ТАСС гаштаанд, ба самаранокии фаъолияти Шӯрои роҳбарони агентиҳои иттилоотии давлатии ИДМ, ки сарварии он бар дӯши Шумо аст ва АМИТ “Ховар” аъзои он мебошад, таъсири мусбат расонид.
Ба Шумо саломатӣ, бурдборӣ, муваффақиятҳои нав ва фаъолияти тӯлонии пурсамар таманно дорам!
Бо эҳтиром,
Директори Агентии миллии иттилоотии
Тоҷикистон «Ховар»-и назди
Ҳукумати Ҷумҳурии Тоҷикистон Саидалӣ СИДДИҚ
15 марти 2021 с.
ДАР АКС: 14 марти соли 2016 Президенти Ҷумҳурии Тоҷикистон Эмомалӣ Раҳмон Директори генералии ТАСС Сергей Михайлов (аз чап) ва муовини якуми ӯ Михаил Гусманро, ки барои иштирок дар ҷаласаи Шӯрои роҳбарони агентиҳои давлатии иттилоотии кишварҳои ИДМ дар Душанбе қарор доштанд, ба ҳузур пазируфтанд. Акс аз бойгонии АМИТ «Ховар»
Кормандони мақомоти милитсияи шаҳри Душанбе ба тамошои Осорхонаи миллии Тоҷикистон рафтанд
Бахшида ба Рӯзи байналмилалии ҳифзи ёдгориҳои таърихию фарҳангӣ конференсияи илмӣ-назариявӣ доир мешавад
Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
МУЖДАИ НАВРӮЗӢ. «Ёддоштҳо»-и устод Айнӣ барои ҳамзабонони эронӣ ба нашр расид
Бахшида ба Соли фарҳанги китобхонӣ дар вилояти Хатлон китоби «Наврӯзномаи Хатлон» ба табъ расид
