МУБОРАК БОД! Аз таъсиси нашрияи расмии Тоҷикистон – «Ҷумҳурият» 96 сол сипарӣ шуд
ДУШАНБЕ, 15.03.2021 /АМИТ «Ховар»/. Рӯзномаи расмии Ҷумҳурии Тоҷикистон «Ҷумҳурият» 96-сола шуд. Нахустшумораи он 15-уми марти соли 1925 бо номи «Иди тоҷик» дар Душанбе ба табъ расида буд.
Он замон, чун миллат ба бедории сиёсӣ ва худшиносӣ ниёз дошт, шумораи дуюми он бо номи «Бедории тоҷик» аз чоп баромад. Дар марҳилаҳои баъдӣ рӯзнома ба «Тоҷикистони сурх», «Тоҷикистони шӯравӣ» ва «Ҷумҳурият» тағйири ном кард.
«Ҷумҳурият» таърихи зиндаи миллати тоҷик ва Тоҷикистон аст. Дар сафаҳоти он навиштаҳои бузургтарин шахсиятҳо нашр гардидааст. Аз ҷумла, устод Садриддин Айнӣ аз муаллифони нахустини ин рӯзнома буд. Дар солҳои сиюм маҳсули қалами Бобоҷон Ғафуров низ ба табъ расид. Шахсиятҳои маъруф чун Абулқосим Лоҳутӣ, Аминҷон Шукӯҳӣ, Самад Ғанӣ, Ашӯр Ҳалимов, Шодӣ Саидов, Ғоиб Қаландаров, Ибод Файзулло, Нур Табаров, Мазҳабшо Муҳаббатшоев, Шоҳмузаффар Ёдгорӣ ва Муҳаммад Ғоиб, Камоли Абдураҳим сармуҳаррири ин нашрия буданд.
Аз оғоз то ба ҳол «Ҷумҳурият» дар ҳимояи манфиатҳои давлату миллат буд. Имрӯз «Ҷумҳурият» рӯзномаи бонуфузтарини ҷумҳурӣ аст. Имрӯз ҳам бо фарогирии масъалаҳои ҷиддии замони Истиқлолияти давлатӣ ва саҳмгузорӣ дар ягонагӣ ва Ваҳдати миллии халқамон, тарғиби ғояҳои баланд ва хушиноси миллӣ, тамоми бунёдкориву созандагиҳои мамлакат саҳми боризу бузурги худро мегузорад.
АМИТ «Ховар» ҳамкасбони худро, ки дар ин рӯзномаи бонуфуз фаъолият доранд, ба муносибати ин ҷашни муборак самимона табрик намуда, ба онҳо саломатии бардавом, саодати рӯзгор, муваффақиятҳои беназири касбӣ дар роҳи эҷоди маводҳои солиму созанда баҳри миллату давлат таманно дорад.
АКС аз бойгонӣ
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
