ДАР СААД МЕХОҲАНД ВОҲИДИ ТАЪЙИНОТИ МАХСУС ТАЪСИС ДИҲАНД. Намояндаи Вазорати мудофиаи Тоҷикистон дар мулоқоти роҳбарони хадамоти тиббии вазоратҳои мудофиаи кишварҳои узви СААД дар Москва маърӯза намуд

Апрель 21, 2021 12:18

ДУШАНБЕ, 21.04.2021 /АМИТ «Ховар»/. Дирӯз, 20 апрел, дар Маркази вокуниши буҳронии СААД дар Москва вохӯрии кории роҳбарони хадамоти тиббии вазоратҳои мудофиаи кишварҳои узви СААД оид ба беҳтар намудани таъминоти тиббии неруҳои СААД (неруҳои дастаҷамъӣ) баргузор гардид, иттилоъ медиҳад АМИТ «Ховар» бо истинод ба хадамоти матбуоти ин созмон.

Дар мулоқот роҳбари Сарраёсати ҳарбӣ-тиббии Вазорати мудофиаи Федератсияи Россия Дмитрий Тришкин, намояндагони Раёсати соҳавии Вазорати мудофиаи Россия ва Ситоди муштараки СААД ширкат варзиданд. Роҳбарони хадамоти тиббии вазоратҳои мудофиа ва сармутахассисони ҳарбӣ-тиббии Арманистон, Беларус, Қазоқистон, Қирғизистон ва Тоҷикистон дар вохӯрӣ тавассути иртиботи видеоконфронсӣ иштирок намуданд.

Дар мулоқот роҳбарони хадамоти тиббии кишварҳои узви СААД тартиби чорабиниҳои зиддиэпидемиявиро баробари расидан, дар машқҳои муштарак иштирок намудан ва бозгаштани қисмҳо муайян карданд. Дар ҷараёни ҷаласаи корӣ таҳти роҳбарии умумии сардори Ситоди муштараки СААД, генерал-полковник Анатолий Сидоров инчунин масъалаҳои такомули таъминоти тиббии Неруҳои дастаҷамъии СААД баррасӣ шуданд.

Иштирокчиён ба муҳокима ва коркарди равишҳои ягонаи ташкили таъминоти тиббии қӯшунҳои (неруҳои дастаҷамъии) СААД ва таҳия кардани тавсияҳои методӣ оид ба ташкили таъминоти тиббии қӯшунҳои (неруҳои дастаҷамъии) СААД таваҷҷуҳи махсус доданд.

Роҳбари хадамоти тиббии Ситоди муштараки СААД, полковники хадамоти тиббӣ Иван Пчелников дар бораи ташкили дастаи муттаҳидаи тиббии таъйиноти махсус дар ҳайати неруҳои посдори сулҳи СААД ва дар таркиби он шомил кардани мутахассисони давлатҳои узви СААД маърӯза кард. Ба гуфтаи ӯ, ин дастаи тиббӣ метавонад ҳамчун воҳиди тиббӣ ва эвакуатсионӣ барои расонидани кумаки махсуси тиббӣ ба осебдидагони ҳолатҳои фавқулодаи иҷтимоӣ, табиӣ, техногенӣ ва биологӣ, инчунин маҷрӯҳон ва беморон дар ҷараёни иҷрои вазифаҳо аз ҷониби Неруҳои дастаҷамъии сулҳи СААД ба таври самаранок истифода бурда шавад.

Сардори Сарраёсати хадамоти тиббии Вазорати мудофиаи Ҷумҳурии Тоҷикистон, полковники Хадамоти тиббӣ Умар Исломзода оид ба мавзӯи таъминоти тиббии машқҳои муштараки Неруҳои дастаҷамъии СААД, ки соли 2021 баргузор мешаванд, маърӯза намуд (ДАР АКС).

Инчунин масъалаҳои воҳиди таъйиноти махсуси тиббӣ баррасӣ шуданд.

«Сардори хадамоти тиббии Ситоди муштараки СААД Иван Пчелников дар бораи ташаккули воҳиди тиббии таъйиноти махсус дар таркиби Неруҳои посдори сулҳи СААД маърӯза намуд. Вай зикр  кард, ки ин дастаи махсуси тиббӣ метавонад ҳамчун воҳиди тиббӣ — эвакуатсионӣ барои расонидани ёрии махсуси тиббӣ ба осебдидагони ҳолатҳои фавқулодаи гуногун, инчунин ба маҷрӯҳон ва беморон ҳангоми иҷрои вазифаҳо бо иштироки Қувваҳои сулҳи дастаҷамъии СААД самаранок истифода бурда шавад»,-хабар дод котиби матбуоти ситод Владислав Шегрикович.

                       АКСИ: хадамоти матбуоти Ситоди муштараки СААД ва АМИТ «Ховар»

Апрель 21, 2021 12:18

Хабарҳои дигари ин бахш

Ба 60 нафар даъватшаванда дар ноҳияи Мастчоҳ шаҳодатномаи ронандагӣ супорида шуд
Дар Раёсати иҷрои ҷазои ҷиноятӣ дар вилояти Суғд иншооти нав ифтитоҳ гардид
Модарони Файзобод бо дуо ва суханҳои нек муҳофизони Ватанро ба сафи Артиши миллӣ гусел намуданд
Дар ноҳияи Рӯдакӣ сафи ихтиёриён барои рафтан ба хизмати ҳарбӣ меафзояд
Даъватшавандагони Шаҳринав сарбаландона ба хизмати ҳарбӣ гусел карда шуданд
Ҷавонони ноҳияи Зафаробод ба таври ихтиёрӣ ба сафи Қувваҳои Мусаллаҳ пайвастанд
ВАТАНРО ЧУН МОДАРИ ХЕШ ДӮСТ БОЯД ДОШТ! Ҷавонони сарбаланди шаҳри Ваҳдат хизмат дар сафи Артиши миллиро шараф меҳисобанд
Дар Панҷакент, Конибодом, Бӯстон, Ашт ва Спитамен гусели даъватшавандагон ба сафи Қувваҳои Мусаллаҳ доир шуд
Ҷавонони шаҳри Роғун сарбаландона ба сафи Қувваҳои Мусаллаҳи Тоҷикистон пайвастанд
Намояндагони Тоҷикистон дар конфронси байналмилалӣ дар Австрия иштирок намуданд
«ТАСМАИ БЕХАТАРӢ-МУҲОФИЗИ ШУМО». Дар Тоҷикистон амалиёти мақсаднок гузаронида мешавад
Дар Деваштич маросими тантанавии гусели навҷавонон ба хизмати ҳарбӣ баргузор шуд