Николай Никулин директори Бонки Авруосиёии рушд дар Ҷумҳурии Тоҷикистон таъйин шуд
ДУШАНБЕ, 07.04.2021 /АМИТ «Ховар»/. Николай Никулин директори Намояндагии Бонки Авруосиёии рушд (БАОР) дар Душанбе таъйин карда шуд. Дар ин вазифа ӯ ба ташкили кори маблағгузории лоиҳаҳои сармоягузории БАОР дар қаламрави Тоҷикистон машғул хоҳад шуд.
Николай Никулин соли 1964 таваллуд шудааст. Вай дар Омӯзишгоҳи ҳарбии лётчикҳо, Донишкадаи муҳандисони обёрии Тошканд, Донишкадаи сарҳадии Калининград ва Академияи Шимолу Ғарбии хидмати давлатӣ таҳсил кардааст. Аз соли 2001, пас аз адои хизмати ҳарбӣ, ӯ дар сохтори Хадамоти федералии гумруки Россия кор кардааст.
То ба БАОР омадан, вай ба ҳайси Намояндаи Хадамоти гумруки Федератсияи Россия дар Ҷумҳурии Беларус, сипас дар Ҷумҳурии Тоҷикистон фаъолият кардааст.
Моҳи марти соли 2021 ба вазифаи директори БАОР дар Ҷумҳурии Тоҷикистон таъйин шуд.
МАЪЛУМОТНОМАИ АМИТ «ХОВАР»:
Бонки Авруосиёии рушд (БАОР) — созмони байналмилалии молиявӣ мебошад, ки ба ҳамгироӣ ва рушди кишварҳои иштирокчӣ: Арманистон, Беларус, Қазоқистон, Қирғизистон, Россия ва Тоҷикистон мусоидат мекунад. Сармояи оинномавии БАОР 7 миллиард доллари ИМА-ро ташкил медиҳад.
Бонк моҳи январи соли 2006 таъсис ёфта, қароргоҳаш дар Алмаато аст. Саҳми асосиро дар портфели БАОР лоиҳаҳои дорои самараи ҳамгароӣ дар соҳаҳои инфрасохтори нақлиётӣ, рақамисозӣ, энергетикаи сабз, кишоварзӣ, саноат ва мошинсозӣ ташкил медиҳанд.
АКСИ: хадамоти матбуоти БАОР
ПЕШГИРИИ ОҚИБАТҲОИ ТАҒЙИРЁБИИ ИҚЛИМ. Дар Тоҷикистон майдони дарахтони саксавул ва павловния васеъ мегардад
Дар Тоҷикистон шумораи истифодабарандагони интернет 5,2 миллион нафарро ташкил медиҳад
Байни Тоҷикистон ва Қирғизистон оид ба ҳамкории тиҷоратӣ Ёддошти тафоҳум ба имзо расид
НИШАСТИ МАТБУОТӢ. Соли 2025 ба соҳаҳои иқтисодии Тоҷикистон 57,1 миллиард сомонӣ равона карда шуд
Агентии «Тоҷикстандарт»: «Аз марҳилаи муайяни тамғаи «Нутрилон» ва «Малютка» истифода набаред!»
Тсзоу Ҷиайи: «Бонки Осиёии Сармоягузориҳои Инфрасохторӣ барномаҳои миллӣ ва минтақавии рушди Тоҷикистонро дастгирӣ менамояд»
Дурнамои ҳамкории Тоҷикистон ва Иттиҳоди Аврупо дар соҳаҳои сармоягузорӣ ва иқтисод баррасӣ гардид
Татбиқи лоиҳаи «Азнавпайвастшавӣ ба низоми ягонаи энергетикии Осиёи Марказӣ» баррасӣ гардид
Ҷаласаи якуми Шурои байниҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Дар ҷаласаи Шуро оид ба шарикии давлат ва бахши хусусӣ чор лоиҳаи нав ба маблағи 82,5 миллион сомонӣ баррасӣ шуд
Дар Тоҷикистон хизматрасонии интернети моҳворавии Starlink расман оғоз гардид
НИШАСТИ МАТБУОТӢ. Ба буҷети давлатӣ аз ҳисоби бақияи қарзи андозҳо беш аз 2 миллиард сомонӣ ворид карда шуд
