ШАКЛУ УСУЛҲОИ НАВИ ТОРУМОРИ ГУРӮҲҲОИ ҶИНОИРО ПАЙДО КАРДАНД. Дар Тоҷикистон машқҳои муштарак бо Россия анҷом ёфтанд
ДУШАНБЕ, 24.04.2021 /АМИТ «Ховар»/. Дар се тамрингоҳи Тоҷикистон машқҳои муштараки ҷузъу томҳои Қувваҳои Мусаллаҳи Тоҷикистон ва Россия анҷом ёфтанд. Дар ин бора сардори маркази матбуоти Вазорати мудофиаи ҶТ полковник Фаридун Маҳмадализода ба АМИТ «Ховар» иттилоъ дод.
Дирӯз дар маросими ҷамъбасти натиҷаи машқҳо Вазири мудофиаи Ҷумҳурии Тоҷикистон генерал-полковник Шералӣ Мирзо, Фармондеҳи Округи марказии ҳарбии Россия генерал-полковник Александр Лапин, Раиси вилояти Хатлон Қурбон Ҳакимзода ва роҳбарони баъзе ноҳияҳои вилоят ширкат варзиданд.
Шералӣ Мирзо зимни суханронии худ тазаккур дод, ки дар ҷараёни тамринҳо талаботи Сарфармондеҳи Қувваҳои Мусаллаҳи кишвар, генерали артиш муҳтарам Эмомалӣ Раҳмон барои таъмини қобилияти мудофиавии кишвар, таҳкими иттиҳоди ҳарбӣ ва санҷиши самаранокии ҷангии ҳайати шахсӣ ва техникаи ҳарбӣ иҷро карда шуданд.
«Бисёр муҳим аст, ки дар ҷараёни тамрин мо шаклҳо ва усулҳои нави истифодаи неруҳоро барои торумор кардани гурӯҳҳои калони ҷиноӣ бо назардошти рушди воситаҳои ҷанг ва арзёбии таҷрибаи муноқишаҳои мусаллаҳонаи муосир пайдо кардем. Ба ташкили системаи ягонаи назорат ва ҳамкории ҳар як унсури гурӯҳи муттаҳидаи неруҳо таваҷҷуҳи хос зоҳир карда шуд», — гуфт Фармондеҳи Округи марказии ҳарбӣ генерал-полковник Александр Лапин.
Ёдовар мешавем, ки тамринҳои муштараки Тоҷикистон ва Россия аз 19 то 23 апрел дар тарингоҳҳои Ҳарб-Майдон, Момирак ва Самбули вилояти Хатлон баргузор шуданд.
Дар тамринҳо хизматчиёни ҳарбии Қувваҳои Мусаллаҳи Тоҷикистон ва ҷузъу томҳои Базаи ҳарбии 201-уми Вазорати мудофиаи Федератсияи Россия ширкат варзиданд.
Ба тамринҳо то 400 воҳиди техникаи низомӣ ва махсус, аз ҷумла чархболҳои Ми-24 ва Ми-8, танкҳои Т-72, мошинҳои ҷангии пиёда, зиреҳпӯшҳо, системаҳои мушакии «Град», «Ураган», дастгоҳҳои артиллерии «Карнавал» ва «Акация» сафарбар шуданд.
Дар марҳилаи ниҳоӣ ҳайати сарнишинони чархболҳои Ми-8 ва Ми-24 аз усули «гардиши чархбол» истифода намуда, захираҳои расидаистодаи «гурӯҳҳои мусаллаҳи ғайриқонунӣ»-ро торумор намуда, системаҳои мушакии «Град», «Ураган» ва дастгоҳҳои артиллерии «Акация» «душманон»-ро ба «халтаи оташ» кашиданд ва онҳоро несту нобуд карданд.
ДАР АКС: маросими ҷамъбасти тамринҳо. Аксҳо аз манбаъҳои боз
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
