«Тоҷикистон дар масири таърих: истиқлол, дастовард ва дурнамо». Таҳти чунин унвон Симпозиуми байналмилалии илмӣ доир мешавад
ДУШАНБЕ, 23.04.2021. /АМИТ «Ховар»/. Академияи миллии илмҳои Тоҷикистон 5-6 сентябри соли 2021 бахшида ба 30-солагии Истиқлоли давлатии Ҷумҳурии Тоҷикистон таҳти унвони «Тоҷикистон дар масири таърих: истиқлол, дастовард ва дурнамо» Симпозиуми байналмилалии илмӣ баргузор менамояд. Дар ин бора котиби масъули баргузории Симпозиуми байналмилалии илмӣ Субҳиддин Зиёев ба АМИТ «Ховар» хабар дод.
Мақсади баргузории симпозиум — ин баррасии илмӣ ва мавриди муҳокима қарор додани масъалаҳои рушди Ҷумҳурии Тоҷикистон дар давраи истиқлол дар тамоми соҳаҳои ҳаёти иҷтимоӣ ва иқтисодии кишвар, бо назардошти ҳамаи мушкилоту дастовард ва дурнамои рушди он мебошад.
Дар ҷаласаҳои бахшӣ (сексионӣ), ки бештар аз 10 ададро дар бар мегиранд, масъалаҳои “Нигоҳи нав ба таҳқиқи таърих ва тамаддуни халқи тоҷик”, “Ташаккул ва такмили заминаҳои ҳуқуқии таҳкими Истиқлоли давлатӣ ва давлатдории миллӣ”, “Таҷрибаи сулҳофаринии тоҷикон ва таъмини ваҳдати миллӣ”, “Ташаккули лидери умумимиллӣ: нигоҳи таърихӣ ва фалсафӣ”, “Сиёсати иҷтимоии давлат: самаранокии татбиқи он дар шароити соҳибистиқлолӣ”, “Иқтисодиёти Тоҷикистон дар шароити соҳибистиқлолӣ: аз барқарорсозӣ ба сӯи рушди устувор” ва чандеи дигар мавриди баррасӣ қарор дода мешаванд.
Талаботи умумӣ ба мақолаҳои илмии пешниҳодшаванда барои ворид кардан ба маҷмӯаи Симпозиум чунин муқаррар карда шудааст: ҳаҷми мақола бояд то 10 саҳифаи компютернавис бошад. Иқтибосҳо дар охири матн оварда мешаванд. Ному насаби муаллиф дар кунҷи болоии тарафи рости саҳифа баъди номи мақола ҷойгир карда мешавад. Андозаи ҳошия аз чап 30 мм, рост — 10 мм, болоӣ — 20 мм, поёнӣ – 20 мм. Фосилаи байни сатрҳо 1. Кегл -14. Шрифт: Times New Roman (бо забонҳои русӣ ва англисӣ), Times New Roman Tj (бо забони тоҷикӣ). Протсессори матнӣ — Word.
Забонҳои кории симпозиум: тоҷикӣ, русӣ ва англисӣ мебошанд. Муҳлати ниҳоии ирсоли мақолаҳо то 30 апрели соли 2021. Суроғаи электронӣ ҷиҳати қабули мақолаҳо: rakesh-23@mail.ru. Рақами телефонҳо барои тамос: (+992) 92-704-09-08, (+992) 919-81-02-12
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
