«Тоҷикистон — кишвари дарёҳои тиллоӣ». Таҳти чунин унвон Намоишгоҳи нигораҳои таърихӣ дар Осорхонаи Гимеи Париж баргузор мегардад

Апрель 15, 2021 15:24

ДУШАНБЕ, 15.04.2021. АМИТ «Ховар»/. Аз 13 октябри соли 2021 то 10 январи соли 2022 Намоишгоҳи нигораҳои таърихии Тоҷикистон дар Осорхонаи миллии санъати шарқ-Гимеи шаҳри Париж таҳти унвони «Тоҷикистон — кишвари дарёҳои тиллоӣ» ба нақша гирифта шудааст, ки аллакай шартнома оид ба баргузории он аз ҷониби мудирони Осорхонаи Гиме, Осорхонаи миллии Тоҷикистон ва Осорхонаи Институти таърих, бостоншиносӣ ва мардумшиносии Академияи миллии илмҳои Тоҷикистон ба имзо расидаанд. Айни замон омодагӣ ҷиҳати баргузории ин намоишгоҳ аз ҷониби Тоҷикистон идома дорад. Ин нуктаро 14 апрел Вазири фарҳанги Ҷумҳурии Тоҷикистон Зулфия Давлатзода зимни мулоқот бо Сафири Ҷумҳурии Франсия дар Тоҷикистон Мишел Тарран баён дошт. Дар ин бора ба хабарнигори АМИТ «Ховар» аз маркази матбуоти Вазорати фарҳанги Ҷумҳурии Тоҷикистон иттилоъ доданд.

Сафири Ҷумҳурии Франсия дар Тоҷикистон Мишел Тарран зикр намуд, ки «Намоишгоҳи нигораҳои таърихии Тоҷикистон дар Осорхонаи Гимеи Франсия таҳти унвони «Тоҷикистон — кишвари дарёҳои тиллоӣ» яке аз аввалин намоишгоҳҳои Тоҷикистон дар кишварҳои Аврупо мебошад, зеро ин намоишгоҳ дар он ҷо фарҳанг ва таърихи ғании миллати тоҷикро муаррифӣ менамояд. Намоишгоҳи мазкур дар замони хеле мувофиқ баргузор мегардад, зеро дар ин муддат дар кишвари мо истироҳатҳои идона хеле зиёданд, ки ин сафи тамошобинони франсуз ва сайёҳони хориҷиро зиёд хоҳад кард».

«Корҳои омодагӣ ба ин намоишгоҳ дар Осорхонаи Гиме идома доранд. Инчунин дар ҳошияи намоишгоҳи мазкур дар Осорхонаи Гиме намоишгоҳи дигар дастовардҳои Тоҷикистон, аз ҷумла, зарфияти сайёҳӣ, фарҳангӣ, рассомӣ, китобҳо, театру мусиқӣ ва ғайра ташкил карда мешаванд»,- афзуд Мишел Тарран.

Ёдовар мешавем, ки 29 октябри соли 2017  Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа  Абдуҷаббор Раҳмонзода ва собиқ Вазири фарҳанги Ҷумҳурии Тоҷикистон, Раиси Комиссияи миллии Тоҷикистон оид ба корҳои ЮНЕСКО Шамсиддин Орумбекзода барои иштирок дар Конференсияи генералии ЮНЕСКО  ба Франсия сафар намуда буданд.

Зимни ин сафар вохӯрии ҳайати Ҷумҳурии Тоҷикистон бо намояндагони Вазорати корҳои хориҷӣ ва Вазорати фарҳанги Франсия, инчунин роҳбарияти Осорхонаи Гимеи Париж доир шуд. Зимни он ба нақша гирифта шуд, ки дар Осорхонаи Гимеи Париж намоиши нигораҳои таърихии Тоҷикистон доир гардад.

Зимни баррасӣ ҷонибҳо ба тавофуқ расиданд, ки аз моҳи ноябри соли 2019 то моҳи феврали соли 2020 бояд намоиш баргузор гардад. Аммо он бо сабабҳои номаълум ба таъхир гузошта шуд. Сипас соли 2020 ҷонибҳо дар назар доштанд, ки 14 октябри соли 2020 Намоишгоҳи нигораҳои таърихии халқи тоҷик дар Осорхонаи Гимеи шаҳри Париж баргузор гардад. Вале бо сабаби пандемияи COVID-19 намоиш баргузор нагардид.

Апрель 15, 2021 15:24

Хабарҳои дигари ин бахш

Дар Донишкадаи давлатии фарҳанг ва санъат бо мақсади татбиқи Консепсияи миллии тарбия вохӯрӣ доир шуд
Китобҳои ноширони тоҷик ба Намоишгоҳи байналмилалии «Китоби Абузабӣ» пешниҳод шуданд
Ҳунарманди халқии Тоҷикистон Асланшоҳ Раҳматуллоев аз олам даргузашт
«ДАСТХАТҲОИ ҚАЛЪАИ МУҒ». Нодиртарин ёдгориҳои Тоҷикистон ба рӯйхати «Ҳофизаи ҷаҳонӣ»-и созмони ЮНЕСКО дохил гардиданд
Дар Тоҷикистон ҳунари балети Узбекистон муаррифӣ карда мешавад
Дар Ҷумҳурии Мардумии Чин Рӯзҳои фарҳанги Ҷумҳурии Тоҷикистон оғоз гардид
Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
«УМРЕ БО МУСИҚӢ». Дар Душанбе ҳамоиши илмӣ баргузор гардид
Ба гиромидошти асосгузори мактаби классикии шеър-мусиқии замони Сомониён Абулаббоси Бахтиёр симпозиуми байналмилалӣ доир шуд
Дар Ҳисор маҳфил-озмуни «Шоҳнома Ватан аст!» оғоз гардид
Директори Хадамоти федералии приставҳои судии Федератсияи Русия бо таъриху тамаддуни тоҷикон шинос шуд
Дар Китобхонаи миллӣ даври аввали озмуни «Фурӯғи субҳи доноӣ китоб аст» баргузор гардид