Дар Душанбе маросими баимзорасонии Созишномаи маблағгузорӣ миёни Ҷумҳурии Тоҷикистон ва Ассотсиатсияи Байналмилалии Рушди Бонки ҷаҳонӣ доир шуд
ДУШАНБЕ, 21.05.2021. /АМИТ «Ховар»/. 21 май дар Вазорати молия маросими баимзорасонии Созишномаи маблағгузорӣ байни Ҷумҳурии Тоҷикистон ва Ассотсиатсияи Байналмилалии Рушди Бонки ҷаҳонӣ барои ҷудо намудани маблағгузории иловагии “Лоиҳаи фавқулодаи муқовимат ба вируси COVID-19 дар Тоҷикистон” дар ҳаҷми 21,2 млн доллари амрикоии грантӣ баргузор гардид.
Созишномаи мазкурро аз ҷониби Ҳукумати Ҷумҳурии Тоҷикистон – Вазири молия Файзиддин Қаҳҳорзода ва аз ҷониби Бонки ҷаҳонӣ – Намояндаи доимии ин бонк дар Тоҷикистон Ян Питер Олтерс ба имзо расониданд.
Маблағгузории иловагӣ барои дастгирии соҳаи тандурустии мамлакат тавассути харидорӣ намудани ваксинаи зидди бемории сироятии COVID-19, воситаҳои ҳимояи шахсӣ, воситаҳои ташхиси COVID-19, таҳкими заминаи институтсионалии соҳа барои таъмини густариши бехатар ва самараноки ваксинаҳо, дастгирии системаи иммунизатсия ва таълими кормандоне, ки ваксинатсия мегузаронанд, пешбинӣ гардидааст.
Инчунин дар доираи Лоиҳа харид ва таҳвили таҷҳизоти тиббӣ, аз ҷумла истгоҳҳо барои пуркунии оксигени адсорбсияи кӯтоҳдавра, харидории воситаҳои терапевтӣ барои табобати COVID-19 ва хариди ваксинаҳо бар зидди сурхак, паротити эпидемикӣ ва дигар сироятҳои мавсимӣ барои эҳтиёҷоти барномаи эмгузаронии нақшавӣ дар назар дошта шудааст.
Ҳамзамон дар доираи гранти болозикр пардохти кумакпулии яквақтаи иҷтимоӣ ба оилаҳои камбизоат, ки дар ҳайати худ кӯдакони хурдсол ва маъюб доранд, инчунин насби системаи иттилоотии кумакҳои иҷтимоӣ ҷиҳати тақвият бахшидани иқтидорҳои соҳаи ҳифзи иҷтимоии аҳолӣ амалӣ карда мешавад.
Дар Хуҷанд Намоишгоҳи байналмилалии савдо «Суғд-2025» доир мегардад
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
