«ДИЛ РЕШ МЕШАВАД». Овозхон Манижа Сангин эҳсосоти худро пас аз ҳамла ба мактаб дар Қазон баён кард

ДУШАНБЕ, 12.05.2021 /АМИТ «Ховар»/. Фоҷиаи дирӯз дар Қазон ба вуқӯъ омада касеро бетараф нагузошт: Намояндаи Россия дар «Евровидение-2021» Манижа Сангин дар Instagram бо суханони пурандӯҳ изҳори таслият ва ҳамдардӣ кардааст.

Манижа аксҳои манзараҳои зебои ғуруби офтобро нашр карда, навиштааст, ки ин ғуруби зеборо дар Қазон аккосӣ кардааст ва гуфтааст, ки ҳамагӣ чанд ҳафта пеш аз парвоз ба «Евровидение» ба он ҷо рафта буд.

«Шаҳри зебо, меҳрубон. Он чизе, ки имрӯз ба сари он омадааст, дилро пора мекунад», — навиштааст сароянда.

Манижа зикр кардаст, ки кӯдакон ҳеҷ гоҳ ва дар ҳеҷ ҷо набояд бо силоҳ рӯ ба рӯ шаванд.

Вай илова кардааст, ки ҳеҷ сухане наметавонад оилаи қурбониҳоро тасалло бидиҳад.

Манижа навиштааст, ки тамоми дастаи иштирокчиёни «Евровидение» якҷо бо Қазон ашк мерезад, қалбҳои онҳо бо ин шаҳр ғамшарик мебошанд.

Навиштаҳои ӯ дар муддати кӯтоҳ беш аз 50 ҳазор бинанда пайдо кардаанд. Ҳам мухлисони русзабон ва ҳам англисзабони Манижа шарҳҳои худро бо изҳори ҳамдардӣ ва таслият нашр кардаанд.

Ҳатто касоне низ ёфт шудаанд, ки ба таври ғайримустақим ин фоҷиа ба онҳо асар кардааст. «Дугонае навиштааст, ки муаллимаи ҳалокшуда ошнои ӯ буд…», — изҳор кардааст яке аз муштариёни сароянда.

Ёдовар мешавем, ки навҷавоне субҳи дирӯз ба толибилмон ва муаллимони мактаби рақами 175 ҳамла кард. Ҷавоне, ки чор сол пеш ин муассисаи таълимиро хатм карда буд, бо силоҳ ба он баргашт: ӯ бомбаи худсохташро барои таркиш омода кард ва ба сӯи мактаббачагон ва муаллимон оташ кушод.

Тибқи маълумоти охирин, дар натиҷаи ин ҳодиса нуҳ кас ҳалок ва тақрибан 20 нафар маҷрӯҳ шуданд. Дар байни кушташудагон — ду муаллим низ буданд, ки мактаббачагонро наҷот доданд. Ду кӯдаки дигар аз тарс аз тиреза парида ҳалок шудаанд.

Маҳз амали посбонзан, ки сари вақт тугмаи бонги изтиробро пахш кард ва муаллимон барои пешгирии талафоти бузургтар кумак карданд.

                                     АКС аз манбаъҳои боз