Донишгоҳи давлатии Кӯлоб ба номи Абӯабдуллоҳи Рӯдакӣ барои як оилаи аз офати табиӣ зарардида манзили истиқоматӣ месозад

Май 18, 2021 09:24

ДУШАНБЕ, 18.05.2021 /АМИТ «Ховар»/. Роҳбарият ва устодони Донишгоҳи давлатии Кӯлоб ба номи Абӯабдуллоҳи Рӯдакӣ тасмим гирифтаанд, ки  аз рӯи лоиҳаи манзили истиқоматии аз ҷониби Ҳукумати ҷумҳурӣ  тасдиқгардида  барои як оилаи аз офати табиӣ осебдида дар кӯчаи Даминзодаи шаҳри Кӯлоб хонаи  истиқоматӣ бунёд намуда, ҳамчунин дар таъмини он  бо  яхдон, телевизиор, қолин, рахти хоб  ва дигар ашёи рӯзгор  мусоидат намоянд.

Тавре аз Донишгоҳи мазкур ба АМИТ “Ховар” хабар доданд, бо ҳамин мақсад 17 май ректори Донишгоҳи давлатии Кӯлоб ба номи Абӯабдуллоҳи Рӯдакӣ, профессор Абдусалом Мирализода бо мутахассисону  масъулин макони сохтмони манзили истиқоматиро аз назар гузаронида,  бо соҳибмулк ва сармеъмори шаҳр ҷойи сохтмони биноро муайн намуданд. Мутахассисон тарҳи таҳхонаи  биноро кашида, ҳамзамон омӯзгорон ва донишмандон ба поксозиву бартараф кардани вайронаҳо пардохтанд.

Мавриди зикр аст, ки аз  ҳисоби омӯзгорон ва кормандони Доннишгоҳи мазкур 15 гурӯҳҳои ёрирасон ташкил дода шуданд, ки рӯзҳои шанбе ва якшанбе дар пок кардан ва ба тартиб даровардани хонаву ҳавлиҳои осебдидагон ёрии амалӣ мерасонанд.

Ёдовар мешавем, ки 11 май дар натиҷаи омадани сел 3 нафар сокини  шаҳри Кӯлоб  ба ҳалокат расида, даҳҳо  хонаҳои истиқоматии сокинон, садҳо метр роҳҳои  мошингарди маҳаллӣ, роҳи автомобилгарди  маркази шаҳр, иншооти маданию маишӣ ва хизматрасонӣ, 4 пули мошингузар ва чорвои шаҳрвандон талаф ёфтанд.  Корҳои барқарорсозӣ дар ин самт идома  дошта, кормандону донишҷӯёни ташкилоту муассисаҳо, донишгоҳу коллеҷҳо дар бартараф сохтани офати табиӣ саҳм гузошта истодаанд.

Май 18, 2021 09:24

Хабарҳои дигари ин бахш

ҲУКУМАТИ ЭЛЕКРОНӢ. Вазорати меҳнат, муҳоҷират ва шуғли аҳолӣ ба самти инноватсионии рақамӣ мегузарад
НИШАСТИ МАТБУОТӢ. Муҳлати таҳсил дар коллеҷҳо кам карда шуд
НИШАСТИ МАТБУОТӢ. Дар Тоҷикистон беш аз 23 ҳазор ҷойи кор таъсис дода шудааст
НИШАСТИ МАТБУОТӢ. Дар 56 корхонаи тобеи Кумитаи хоҷагии манзилию коммуналӣ системаи биллингӣ амал менамояд
НИШАСТИ МАТБУОТӢ. Дар Тоҷикистон риоя нашудани қонуни танзим 255 ҳолат камтар сабт гардидааст
Дар Душанбе ҳамоиши ҳизбиён бахшида ба қабули қатъномаи таърихии Тоҷикистон оид ба зеҳни сунъӣ баргузор шуд
Маркази миллии қонунгузорӣ 41 санади меъёрӣ-ҳуқуқиро аз экспертиза гузаронид
Намоиш-озмуни ҷумҳуриявии «Беҳтарин лоиҳаи меъморӣ ва шаҳрсозӣ» гузаронида мешавад
Ҳайати Тоҷикистон дар барномаи «Оҳанги ҷавонии Роҳи Абрешим ва мулоқот дар Чин барои сулҳ» иштирок дорад
Дар ҷаласаи Шурои ҷамъиятии Ҷумҳурии Тоҷикистон сиёсати мамлакат оид ба мубориза бар зидди ифротгароӣ ва терроризм баррасӣ карда шуд
Чӣ гуна худ ва наздиконамонро аз бемориҳои ғайрисироятӣ ҳифз намоем?
Масъулини ҳолатҳои фавқулодаи Тоҷикистон ва Муғулистон масъалаи коҳиш додани хавфи офатҳои табииро баррасӣ намуданд