Миёни Донишкадаи политехникии ДТТ ва ҶДММ «Днепроэнергостал» созишномаи ҳамкорӣ ба имзо расид
ДУШАНБЕ, 22.05.2021 /АМИТ «Ховар»/. Миёни Донишкадаи политехникии Донишгоҳи техникии Тоҷикистон ба номи академик М.Осимӣ дар шаҳри Хуҷанд ва ҶДММ «Днепроэнергостал»-и Украина созишномаи ҳамкорӣ ба имзо расид. Санади ҳамкориро дар ҳузури Раиси вилояти Суғд Раҷаббой Аҳмадзода ва Сафири Украина дар Тоҷикистон Василий Серватюк директори ширкати «Днепроэнергостал»-и Украина Вадим Осипенко ва директори Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд Дилафрӯз Саидӣ ба тасвиб расониданд.
Раиси вилояти Суғд Раҷаббой Аҳмадзода зимни суҳбат бо муовини вазири корҳои хориҷии Украина Евгений Енин, Сафири Украина дар Тоҷикистон Василий Серватюк ва роҳбарияти ҶДММ «Днепроэнергостал» доир ба вазъи иқтисодии вилоят ва имконияти мавҷуда маълумот дода, омодагии хешро барои густариши робитаҳо, бунёди корхонаҳои муштарак, коркарди пахта, истифода аз захираву имконоти мавҷуда барои зиёд намудани воридоту содироти маҳсулот, таъминоти хоҷагии қишлоқ бо техникаҳои гуногун ва қисмҳои эҳтиётӣ изҳор намуд.
Муовини вазири корҳои хориҷии Украина Евгений Енин оид ба тақвияти ҳамкорӣ ва таҳкими муносибатҳо миёни доираҳои тиҷоратӣ ибрози назар намуд.
Инчунин роҳбари ҶДММ «Днепроэнергостал» изҳор дошт, ки ширкат омода аст донишҷўёнро барои таҷрибаомўзии амалӣ дар фаъолияти рӯзмарраи корхона ҷалб намоянд. Ҷонибҳо ба мувофиқа расиданд, ки амалишавии бандҳои шартнома аз соли хониши 2021-2022 сурат мегирад.
Ёдовар мешавем, ки чанде қабл директори ширкати «Днепроэнергостал»-и Украина Вадим Осипенко ва муовини ширкати мазкур профессор Сергей Семирягин дар доираи сафари корӣ ба вилояти Суғд ба Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд омада, бо дастовард ва раванди таълиму тарбияи ин махзани илм шинос шуданд. Ҷонибҳо ба мувофиқа расиданд, ки дар соҳаи шарикии дарозмуддати истеҳсолӣ ва илмӣ ба таҳия ва татбиқи технологияи муосир ҳамкорӣ намоянд. Ҳамкорӣ бо шаклҳои гуногун амалӣ шуда, дар якҷоягӣ низоми истеҳсолӣ ва илмӣ таъсис дода, ба ин васила сатҳи шарикии ҳамаҷонибаи техникии байни ширкати «Днепроэнергостал»-и Украина ва Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд ба сатҳи баланд зарурӣ бардошта хоҳад шуд.
Акс аз Дафтари матбуоти Раиси шаҳри Хуҷанд
Зеҳни сунъӣ дар соҳаҳои санъати тасвирӣ ва дизайн тағйироти амиқ ба вуҷуд овардааст
Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
