«НЕСТ БОД АНДЕШАҲОИ ҚОЛАБӢ!» Имрӯз Манижа дар нимфинали якуми озмуни «Евровидение – 2021» дар Роттердам ҳунарнамоӣ мекунад
ДУШАНБЕ, 18.05.2021 /АМИТ «Ховар»/. Имрӯз дар Роттердам (Нидерланд) нимфинали аввали Озмуни байналмилалии сурудҳои «Евровидение-2021» баргузор мешавад. Намояндагони 16 кишвар ба саҳна мебароянд. Дар байни онҳо Россия низ ҳаст. Манижа суруди «Russian Woman» («Зани рус») -ро месарояд.
Овозхони 29-солаи зодаи Тоҷикистон Манижа Сангин дар барномаи Тина Канделаки «Меҳмони махсус» ваъда дод, ки тамошобинони озмуни «Евровидение» -ро чизи ғайричашмдошт интизор аст.
«Дар саҳна аҷубаи хеле калон сурат хоҳад гирифт. Ин посух ба саволе хоҳад буд, ки чаро вай бояд аз Россия намояндагӣ кунад», — нақл кард ҳунарпеша.
Овозхон дар посух ба саволи Тина Канделаки ба таври возеҳ шарҳ дод, ки ин аҷуба хирс нахоҳад буд. Манижа парда аз рӯи роз бардошт ва илова кард, ки онҳо як андешаи қолабии (стереотипи) хеле муҳимро дар саҳна намоиш медиҳанд ва бо он видоъ мекунанд.
Дар шабакаи Super.ru дар YouTube нашри нави намоиши (шоу) «Алена, блин!» пайдо шуд. Дар он ровӣ Алёна Жигалова бо овозхон Манижа дар бораи нажодпарастӣ, нобоварӣ ба худ, рафтори таҷовузкорона дар мактаб, ҳаёти шахсӣ ва албатта, суруди «Russian Woman» («Зани рус») суҳбат кардааст.
Овозхон гуфт, ки суруди ӯ дар озмуни «Евровидение» дар маҷмӯъ ба мубориза бо андешаҳои қолабии нисбат ба занон паҳншуда нигаронида шудааст: чӣ гуна бояд бошӣ, замоне издивоҷ ва таваллуди фарзандон ғайра.
«Ин ҳама тамасхур нисбат ба худ аст. Нест бод андешаҳои қолабӣ!», — иқтибос овардааст суханони ӯро РИА Новости.
Дар омади гап, андешаҳои қолабӣ дар атрофи мо зиёданд, ки баъзан онҳо нолозим ва зараровар ҳастанд ва аз онҳо раҳо бояд шуд. Дар Россия яке аз чунин стереотипҳо «Россия танҳо барои русҳо» аст, ки худи Владимир Путин ахиран онро шадидан интиқод кард. Дар Тоҷикистон низ андешаҳои қолабӣ вуҷуд доранд ва тавассути қонун алайҳи онҳо мубориза мебаранд. Масалан, Қонун «Дар бораи танзими анъана ва ҷашну маросим дар Ҷумҳурии Тоҷикистон», ки соли 2008 қабул шудааст.
Нимфинали дуюми «Евровидение-2021» рӯзи панҷшанбе, 20 май баргузор мешавад. Дар он 17 кишвар ширкат меварзанд. Аз ҳар як нимфинал даҳ нафар иштирокчиён ба даври ниҳоӣ роҳ меёбанд.
Ғолиби «Евровидение-2021» 22-юми май эълон хоҳад шуд. Кишваре, ки ғолиб аз он намояндагӣ мекунад, мизбони ин озмуни мусиқӣ дар соли 2022 хоҳад буд.
Акс: AFP 2021
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
