Шабонарӯзи охир дар ҷаҳон зиёда аз 680 ҳазор ҳолати сирояти коронавирус ошкор шуд

ДУШАНБЕ, 03.05.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 680 ҳазор афзоиш ёфта, аз 153,49  миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

 Ба ҳолати соати 09:30 (ба вақти Душанбе)-и 3 май, ба СУТ дар бораи 153 498 053 сироятшуда ва 3 216 383 фавт маълумот расидааст. Шумораи гирифторони ин беморӣ шабонарӯзи охир 680 160 нафар ва фавтидагон 9 969 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 33 180 441. Баъд аз он Ҳиндустон (19 925 604), Бразилия (14 754 910), Франсия (5 652 247), Туркия (44 875 388), Россия (4 823 255), Британияи Кабир (4 420 201), Италия (4 044 762), Испания (3 524 077), Германия (3 425 598), Аргентина (3 005 259) ва Колумбия (2 893 655) қарор доранд.

АКС аз Павел Кононов / РИА Новости