Стратегияи рушди минбаъдаи Иттиҳоди байнибонкии СҲШ дар Душанбе баррасӣ гардид
ДУШАНБЕ, 19.05.2021 /АМИТ «Ховар»/. Дар таҳрири нав қабул намудани Стратегияи рушди минбаъдаи Иттиҳоди байнибонкии /ИББ/ Созмони ҳамкории Шанхай /СҲШ/ барои давраи миёнамуҳлат (2022-2026) яке аз масъалаҳое буд, ки дар ҷаласаи коршиносон ва ҳамоҳангсозони ИББ СҲШ, ки дар Душанбе баргузор гардид, баррасӣ шуд.
Маркази матбуоти Бонки давлатии амонатгузории Ҷумҳурии Тоҷикистон «Амонатбонк» иттилоъ медиҳад, ки дар ҷаласа ҳайатҳои Корпоратсияи давлатии рушди ВЭБ-и Россия, Бонки миллии фаъолияти иқтисоди хориҷии Ӯзбекистон, РСК «Банк»-и Қирғизистон ва Бонки Рушди Қазоқистон иштирок намуданд. Ҳамзамон гурӯҳҳои кории Бонки давлатии рушди Чин, «Ҳабиб Бонк»-и Покистон ва Корпоратсияи давлатии молиявию инфрасохтории Ҳиндустон тариқи маҷозӣ ширкат карданд.
Муовини Раиси Раёсати Бонки давлатии амонатгузории Ҷумҳурии Тоҷикистон «Амонатбонк» Фирдавс Ризвонзода дар оғози ҷаласа зикр намуд, ки ИББ СҲШ саҳнаи муҳими ҳамкории байнибонкӣ дар доираи СҲШ буда, дар шароити кунунии мураккаби иқтисодӣ бонкҳои аъзоро водор месозад, ки бо истифода аз тамоми имконоти мавҷуда ҷиҳати барқарор кардани вазъи иқтисодиёти кишварҳои аъзо якҷо сайъ намоянд.
Зикр шуд, ки «Амонатбонк» омода аст бо шарикони рушд дар шакли дуҷониба ва бисёрҷониба ҳамкориро густариш дода, баҳри амалӣ намудани ҳадафҳои дар пешистода тадбирҳои зарурӣ андешад.
Коршиносон ва ҳамоҳангсозони ИББ СҲШ масъалаҳои марбут ба тавсеаи ҳамкорӣ бо институтҳои молиявии давлатҳои нозир ва шарикони муколамаи СҲШ, институтҳои байналмилалии молиявие, ки дар қаламрави кишварҳои СҲШ ва дар минтақаи Осиё фаъолият менамоянд, сармоягузории бонкҳои аъзои ИББ СҲШ ва таҳкими ҳамкориро дар самти табодули таҷриба ва омода намудани мутахассисон баррасӣ намуданд.
Аксҳо аз БДА Тоҷикистон «Амонатбонк»
Таҳкими ҳамкории дуҷониба ва рушди бахши молиявӣ байни Тоҷикистон ва Бонки ҷаҳонӣ баррасӣ гардид
«Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2026-2030» амалӣ мешавад
Моҳи май дар шаҳри Бохтар Форуми сайёҳии «Хатлон – 2026» баргузор мешавад
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
