41 нафар хонандагони Литсейи шаҳри Хуҷанд дар Олимпиадаи байналмилалӣ «IMAC – online»-и Англия ғолибият ба даст оварданд
ДУШАНБЕ, 10.06.2021 /АМИТ «Ховар»/. 41 нафар хонандагони Литсей барои хонандагони болаёқати шаҳри Хуҷанд дар даври финалии Олимпиадаи байналмилалии Англия ғолибият ба даст оварданд.
Тавре аз маркази матбуоти Раиси шаҳри Хуҷанд ба АМИТ «Ховар» иттилоъ доданд, олимпиадаи байналмилалӣ аз фанни математика бо забони англисӣ «IMAC – online» тариқи фосилавӣ баргузор шуда, дар он 50 нафар хонандагони Литсей барои хонандагони болаёқати шаҳри Хуҷанд аз рӯи се қишри синну солӣ иштирок намуданд.
Дар натиҷаи эълони расмии Кумитаи тадорукоти Олимпиадаи «IMAC – online» кишвари Англия аз 50 нафар хонандагони Литсей 41 — нафарашон ғолибиятро ба даст оварда, соҳиби 6 медали тилло, 17 медали нуқра ва 18 медали биринҷӣ гардиданд.
Ёдовар мешавем, ки озмуни мазкур аз се даври асосӣ: муқадамотӣ, интихобӣ ва финалӣ иборат буд.
Дар Литсей барои хонандагони болаёқати шаҳри Хуҷанд кор бо хонандагони болаёқат ва гурӯҳҳои олимпӣ ҷиддӣ ба роҳ монда шудааст. Дар ҳаракати олимпии литсей 180 хонанда шомил буда, дар соли хониши 2020-2021 хонандагони болаёқати ин муассиса дар 14 олимпиадаи сатҳи ҷаҳонӣ иштирок намуданд.
Тибқи иттилои директори Литсей Сурайё Неъматова, дар соли хониши 2020-2021 толибилмони Литсей дар олимпиадаҳои ҷаҳонии HIPPO, FISO, SPELLING BEE, FIZTECH, FOXFORD, ARCHIMED, KANGOUROU, OLYMPIA, IMEC, BRICSMATH, MATH-CHALLANGE, ANTALYA дар кишварҳои Таиланд, Туркия, Федератсияи Россия, Англия, ИМА, Чин, Италия иштирок намуда, 154 медал – 51 медали тилло, 45 медали нуқра ва 58 медали биринҷӣ ба даст оварданд.
Инчунин хонандагони болаёқати Литсей ба даври финалии озмуни байналмиллалии HIPPO (Италия) роҳхат гирифта, мунтазири эълони натиҷаи расмии ғолибон ҳастанд.
АКСҲО аз МИҲД шаҳри Хуҷанд
«ТОҶИКИСТОН — ВАТАНИ АЗИЗИ МАН». Ғолибони озмун дар баробари мукофотпулӣ аз кадом имтиёзҳо бархӯрдор мешаванд?
26 январ дар вазорату идораҳои Тоҷикистон нишастҳои матбуотӣ оғоз мегарданд
ТАМАДДУНИ ОРИЁӢ. Дар Душанбе дар ин мавзуъ Симпозиуми байналмилалии сатҳи баланд баргузор мегардад
СОЛИ ОБОДОНИЮ СОЗАНДАГӢ. Дар ҳудуди Қасри бостонии Ҳулбук корҳои ободкорию сабзгардонӣ идома доранд
Эҳёи хотираи таърихӣ ва таҳкими ҳувияти миллӣ вазифаи муқаддаси ҳар сокини ҷумҳурӣ аст
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ давраи омузишӣ баргузор шуд
ТОҶИКОН — МЕРОСБАРИ ТАМАДДУНИ ОРИЁӢ. Иқдоми Тоҷикистон дар самти ҳифзу арҷгузорӣ ба тамаддуни ориёӣ саривақтӣ ва муҳим аст
Сокинони шаҳри Исфара соҳиби туҳфаи Пешвои миллат- «Шоҳнома»-и безавол мегарданд
Дар Коллеҷи муҳандисию омӯзгории шаҳри Душанбе маркази омӯзиши забони чинӣ таъсис дода мешавад
БОРБАД — АСОСГУЗОРИ МУСИҚИИ ШАРҚ. Хунёгаре, ки назирашро таърихи башар ёд надорад
Дар Душанбе рӯзҳои фарҳангии шаҳру ноҳияҳои Тоҷикистон баргузор мегарданд
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
