Фурудгоҳи байналмилалии «Нурсултон Назарбоев» парвозҳоро ба Тоҷикистон афзоиш медиҳад

Июнь 9, 2021 11:14

ДУШАНБЕ, 09.06.2021 /АМИТ «Ховар»/. Фурудгоҳи байналмилалии «Нурсултон Назарбоев» парвозҳоро  бо Тоҷикистон ва боз бо 13 кишвари ҷаҳон оғоз намуд. Дар ин бора раиси Кумитаи авиатсияи граждании Қазоқистон Талгат Ластаев иттилоъ дод,  хабар медиҳад АМИТ «Ховар» бо истинод ба агентии «Казинформ».

 «Мутаассифона, авиатсияи гражданӣ  соҳаест, ки аз ҳама бештар аз пандемия зарар дид. Аммо аз аввали соли равон парвозҳо барқарор шуданд ва нишондиҳандаҳои асосӣ каме афзоиш ёфтанд.Аз аввали сол шумораи парвозҳо ба 47% расида, 2,5 миллион нафаррро фаро гирифт. Шумораи мусофироне, ки фуругоҳ  хидмат мерасонад ба  39% ё 4,6 миллион нафар зиёд шудааст. Имрӯзҳо дар саросари Қазоқистон парвозҳои дохилӣ пурра фаъол  гардидаанд»,- афзуд  Талгат Ластаев дар маросими ифтитоҳи гулгашти Авиаторон, ки ба 90-умин солгарди фурудгоҳ бахшида шудааст.

Вай гуфт  агар сухан дар бораи парвозҳои байналмилалӣ равад, ҳаракати ҳавоӣ бо 14 кишвар барқарор карда шудааст.

«Дар байни онҳо Туркия, Аморати Муттаҳидаи Араб, Ӯзбекистон, Россия, Қирғизистон, Беларус, Украина, Германия, Гурҷистон, Тоҷикистон, Кореяи Ҷанубӣ, Миср, Нидерландия  ва Черногория ҳастанд. То имрӯз комиссия қарори иловагӣ баровардааст. Мо шумораи парвозҳо ба Анталияи Туркияро зиёд хоҳем кард. Мо инчунин дар самти афзоиши парвозҳо ба Украина ва Тоҷикистон кор карда истодаем», — тазаккур дод номбурда.

Тавре АМИТ Ховар қаблан бо истинод ба агентии «Sputnik» хабар дода буд, аз 10 июни соли равон Россия низ шумораи парвозҳои мунтазамро  бо Тоҷикистон зиёд мекунад. Интизор меравад, ки  дар масири Маскав — Душанбе дар як ҳафта боз як хастсайр роҳандозӣ гардад.

Июнь 9, 2021 11:14

Хабарҳои дигари ин бахш

Дар Душанбе истифодаи фановарию маводи нав дар сохтмони роҳҳоро баррасӣ намуданд
Қоҳир Расулзода дар ноҳияи Носири Хусрав бо корҳои сохтмонӣ шинос шуд
Сарвазири Тоҷикистон дар Шаҳритус бо вазъи зиндагии мардум ва корҳои созандагӣ шинос гардид
Тоҷикистон ва Қирғизистон ҳамкориро дар соҳаи рақамикунонӣ тақвият медиҳанд
IRS: Муҳлати маҳдудияти мавсимӣ барои мошинҳои боркаши гаронвазн ба охир расид
Дар Бишкек тавсеаи ҳамкории иқтисодӣ байни Тоҷикистон ва Қирғизистон баррасӣ гардид
Лоиҳаи фармоиши Ҳукумати Ҷумҳурии Тоҷикистон оид ба таҳияи дурнамои нишондиҳандаҳои асосии макроиқтисодӣ баррасӣ шуд
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд