Туҳфаи арзишманди Пешвои миллат — китоби «Тоҷикон» ба Муъминобод расид

Июнь 7, 2021 14:40

ДУШАНБЕ, 07.06.2021. /АМИТ «Ховар»/. Корвони  китоби «Тоҷикон» ба ноҳияи Муъминбод расид. Ин  шоҳасари академик Бобоҷон Ғафуровро комиссияи босалоҳият қабул ва рақамгузорӣ карда, ба ҳар як оилаи ноҳияи мазкур  ҳамчун туҳфаи таърихӣ ва рамзию арзишманд аз номи Пешвои миллат муҳтарам  Эмомалӣ Раҳмон тақдим  намуда истодааст.  Дар ин бора хабарнигори минтақавии АМИТ «Ховар» Сулаймон Холов хабар медиҳад.

Тавре сокини ноҳияи Муъминобод Фарангис Файзова изҳор дошт, дар арафаи ҷашни 30-солагии Истиқлоли давлатӣ тақдими китоби “Тоҷикон” аз ҷониби Сарвари давлат басо рамзист.

-Мақсади асосии  чунин иқдом шиносоӣ бо гузаштаи  пурифтихори халқи тоҷик ва дар ин замина баланд бардоштани ҳисси худшиносии насли имрӯзу фардои миллат мебошад. Дар ҳақиқат  мутолиаи шоҳасари академик Бобоҷон Ғафуров- китоби «Тоҷикон»  барои ҳар тоҷику тоҷикистонӣ  муҳим арзёбӣ гардида, ин иқдоми наҷибонаи Пешвои миллат  муҳтарам Эмомалӣ Раҳмон шоистаи таҳсину ситоиши ҳамагон аст,-илова кард ӯ.

Ёдовар мешавем, ки солҳои собиқ Иттиҳоди Шӯравӣ асари мазкур, ки аз таъриху маданият ва фарҳанги ин миллати бостонӣ нақл мекунад, бо теъдоди хеле кам нашр гардида буд. Аз ин рӯ он на барои ҳамаи  аҳолии Тоҷикистон дастрас буд. Олимону пажуҳишгарон ва донишҷӯёни мактабҳои олӣ барои пешбурди корҳои илмӣ ва дарсҳо дар дарёфти ин асари таърихӣ мушкилӣ доштанду дар китобхонаҳо  соатҳо навбат мепоиданд.

Ба гуфти сокини ноҳияи Муъминобод Саймуҳаммад Иброҳимов,  ин ташаббуси хирадмандонаи  Президенти мамлакат муҳтарам Эмомалӣ Раҳмон –тақдими китоби  “Тоҷикон” ба ҳар як оилаи тоҷикистонӣ дар арафаи  ҷашни 30-солагии Истиқлоли давлатӣ дар таърихи Тоҷикистон бо ҳафрҳои заррин сабт хоҳад шуд.

АКС аз МИҲД-и н. Муъминобод

Июнь 7, 2021 14:40

Хабарҳои дигари ин бахш

Пешвои миллат Эмомалӣ Раҳмон дар шаҳри Бӯстон корхонаи парандапарварии ҶДММ «Суғд-саноат-паранда»-ро ба истифода доданд
Сарвари давлат Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Парандапарвар-2017»-ро ифтитоҳ намуданд
Президенти Тоҷикистон Эмомалӣ Раҳмон дар шаҳри Хуҷанд корхонаи нави ҶДММ «Текстилимпекс»-ро мавриди истифода қарор доданд
Пешвои миллат Эмомалӣ Раҳмон дармонгоҳи бачагонаи стоматологии шаҳриро дар Хуҷанд мавриди истифода қарор доданд
Сарвари давлат Эмомалӣ Раҳмон дар шаҳри Хуҷанд кӯдакистони «Меҳросо» — ро ифтитоҳ намуданд
Имрӯз маҷлиси навбатии Ҳукумати Ҷумҳурии Тоҷикистон баргузор гардид
Сарвари давлат Эмомалӣ Раҳмон дар ноҳияи Ҷаббор Расулов ба фаъолияти ҳавзи моҳипарварӣ оғоз бахшиданд
Пешвои миллат Эмомалӣ Раҳмон дар ноҳияи Спитамен Қасри «Сомониён»-ро ифтитоҳ ва ба 100 ятими кулл туҳфаҳо тақдим намуданд
Президенти Тоҷикистон Эмомалӣ Раҳмон аз хоҷагии ёрирасони шуъбаи Вазорати корҳои дохилӣ дар ноҳияи Ҷаббор Расулов боздид карданд
Сарвари давлат Эмомалӣ Раҳмон бо фаъолияти корхонаи парандапарварии ҶДММ «Файзи саҳар»-и ноҳияи Спитамен шинос шуданд
Пешвои миллат Эмомалӣ Раҳмон дар ноҳияи Шаҳристон Фермаи парандапарварии ҶДММ «Мурғи Шаҳристон»-ро ифтитоҳ намуданд
Президенти мамлакат Эмомалӣ Раҳмон дар ноҳияи Шаҳристон ба ҷамъоварии ҳосили картошка оғоз бахшиданд ва аз намоишгоҳи кишоварзӣ боздид карданд

Маводҳои таҳлилӣ