COVID-19. Гурӯҳи корӣ дар бозорҳои «Меҳргон» ва «Варзоб»-и шаҳри Душанбе оид ба пешгирӣ аз ин бемории сироятӣ корҳои фаҳмондадиҳӣ ба роҳ монд

Июль 10, 2021 10:16

ДУШАНБЕ, 10.07.2021 /АМИТ «Ховар»/. Гурӯҳи корӣ бо мақсади пешгирӣ аз паҳншавии бемории сироятии COVID-19 дар бозорҳои «Меҳргон» ва «Варзоб» ноҳияи Исмоили Сомонии пойтахт бо  фурӯшандагон ва  сокинону меҳмонони шаҳр  корҳои фаҳмондадиҳӣ ба роҳ монд. Гӯрӯҳи мазкур  зимни суҳбат  бо сокинон ва меҳмонони пойтахт таъкид намуданд, ки қабули ваксина бар зидди бемории сироятии COVID-19, балки инсонро аз гирифторшавӣ ба ин бемории сироятӣ эмин нигоҳ медорад, балки ин бемориро  дар органзим ба таври сабук мегузаронад.

Тавре муовини раиси ноҳияи Исмоили  Сомонӣ  Наргис Шарифзода ба хабарнигори АМИТ «Ховар» иброз дошт,  «бо вуҷуди пурзӯр намудани корҳои иттилоотию фаҳмондадиҳӣ, баъзе аз сокинони пойтахт нисбат ба саломатии худу  наздикон ва атофиён фориғболӣ зоҳир  карда, қойидаҳои беҳдошт ва масофаи иҷтимоиро риоя намекунанд».

«Дар асоси қарори Ситоди ҷумҳуриявӣ оид ба пурзӯр намудани тадбирҳои пешгирӣ аз бемории сироятии коронавируси КОВИД-19 дар Чумхурии Тоҷикистон аз ҷониби мақомоти иҷроияи ҳокимияти давлатии шаҳри Душанбе ва ноҳияҳои он дар ҳудуди пойтахт зиёда аз 196 гуруҳи корӣ фаъолият менамоянд, ки ҳамарӯза ба сокинон тарзи дурусти риояи қойидаҳои беҳдоштӣ ва истифодаи ҳатмии ниқоб дар ҷойҳои ҷамъиятиро  таъкид месозанд»,-афзуд Наргис Шарифзода.

Гурӯҳҳои мазкур ҳамчунин бо ронандагон ва мусофирони нақлиёти ҷамъиятии пойтахт  низ чунин корҳои фаҳмондадиҳиро ба роҳ мондаанд.

Мавриди зикр аст, ки дар асоси дастуру супоришҳои Раиси шаҳри Душанбе муҳтарам Рустами Эмомалӣ то ба эътидол омадани вазъ ҷиҳати пешгирӣ аз интиқолу паҳншавии бемории сироятии коронавируси КОВИД-19 дар шаҳри Душанбе ва чор ноҳияи он гурурҳҳои корӣ фаъолият намуда, аз сокинон қойидаҳои беҳдоштӣ ва бастани ҳатмии ниқобро талаб менамоянд.

Июль 10, 2021 10:16

Хабарҳои дигари ин бахш

«ГАНҶИНАИ МЕРОС». Дар Душанбе Фестивал — намоиши либосҳои миллӣ баргузор гардид
Дар Намоишгоҳи байналмилалии сайёҳии Душанбе беш аз 200 ширкати хизматрасони соҳа иштирок дорад
Намоишгоҳи байналмилалии сайёҳии Душанбе-2025 оғоз гардид
Намоишгоҳи байналмилалии сайёҳии Душанбе баргузор мегардад
Раиси Жогорку Кенеши Ҷумҳурии Қирғизистон бо фаъолияти КВД «Шаҳри ҳушманд» шинос гардид
Форуми шаҳрии варзишгарони пойтахт баргузор гардид
26 сентябр Иҷлосияи сеюми Маҷлиси вакилони халқи шаҳри Душанбе, даъвати ҳафтум баргузор мегардад
Нархномаи хизматрасонии таъминоти оби нӯшокӣ барои ҳамаи истифодабарандагони пойтахт тағйир ёфт
Дар Душанбе 34-солагии Истиқлоли давлатӣ ботантана таҷлил гардид
Шоми имрӯз дар Душанбе ба муносибати 34-солагии Истиқлолияти давлатӣ барномаи фарҳангӣ доир мегардад
Даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» ҷамъбаст шуд
Аз ҷониби Раиси шаҳри Душанбе Рустами Эмомалӣ ба 5 ҳазор нафар кумакҳои пулию моддӣ расонида шуданд