Пешвои миллат Эмомалӣ Раҳмон: «Тоҷикистон Қувваҳои Мусаллаҳи худро ҳаргиз бар зидди кишварҳои ҳамсоя истифода намебарад»

Июль 22, 2021 07:39

ДУШАНБЕ, 22.07.2021 /АМИТ «Ховар»/. Тоҷикистон Қувваҳои Мусаллаҳи худро ҳаргиз бар зидди кишварҳои ҳамсоя истифода намебарад. Ин нуктаро имрӯз Президенти Ҷумҳурии Тоҷикистон, Пешвои миллат, Сарфармондеҳи Олии Қувваҳои Мусаллаҳи Тоҷикистон, генерали артиш муҳтарам Эмомалӣ Раҳмон зимни суханронӣ дар назди хизматчиёни ҳарбии Қувваҳои Мусаллаҳи мамлакат, мақомоти ҳифзи ҳуқуқ ва афсарону сарбозони дар эҳтиёти Қувваҳои Мусаллаҳ қарордошта қотеона иброз доштанд.

«Қотеона иброз медорем, ки мо Қувваҳои Мусаллаҳи худро ҳаргиз бар зидди кишварҳои ҳамсоя истифода намебарем. Баръакс, мо ҳамеша ҷонибдори он ҳастем, ки дар кишварҳои ҳамҷаворамон сулҳу субот ҳукмфармо бошад ва мо бо онҳо дар фазои оромиву субот ва дӯстиву ҳамкорӣ зиндагӣ кунем», — таъкид доштанд Пешвои миллат.

Сарвари давлат илова намуданд, ки Ҷумҳурии Исломии Афғонистон ҳамсояи наздиктарин, кишвари дӯст, ҳамзабон, ҳамдин ва ҳамфарҳанги мо мебошад ва бинобар ин, мо ба сарнавишти мардуми он бетафовут нестем.

Маҳз аз ҳамин лиҳоз, Президенти мамлакат даҳҳо маротиба аз минбари бонуфузтарин созмонҳои байналмилаливу минтақавӣ масъалаи ҳалли мушкилоти Афғонистонро ба миён гузоштаанд.

Пешвои миллат бори дигар таъкид сохтанд, ки қазияи Афғонистон роҳи ҳалли низомӣ надорад ва мушкилоти ин кишвар бояд бо роҳҳои мусолиматомез ва осоишта ҳаллу фасл карда шавад.

«Мардуми Афғонистон, ки соҳиби таърих ва арзишҳои бостонии фарҳангӣ буда, сарзамини онҳо ҳамчун яке аз марказҳои тамаддуни башарият эътироф шудааст ва ин мардум ба аҳли башар даҳҳо ва садҳо нафар шахсиятҳои фарзонаро додаанд, бояд тақдири имрӯзу ояндаашонро ба дасти худ гиранд», — зикр карданд Сарфармондеҳи Олии Қувваҳои Мусаллаҳи Тоҷикистон, генерали артиш муҳтарам Эмомалӣ Раҳмон.

Тарзи идораи давлат ва сохти давлатдорӣ дар ҳамаи кишварҳои соҳибихтиёр, аз ҷумла дар Афғонистон, ба таъкиди Пешвои миллат, бояд танҳо бо хости аксарияти мардум ва иродаи шаҳрвандони он муайян ва муқаррар карда шавад.

Июль 22, 2021 07:39

Хабарҳои дигари ин бахш

Дар Хатлон бо иштироки 8 ҳазор нафар хизматчиёни ҳарбӣ ва афсарону сарбозони ҳайати захираҳои сафарбарӣ санҷиши омодагии ҷангӣ доир гардид
Дар ноҳияи Рашт санҷиши омодагии ҷангии Қувваҳои Мусаллаҳ, мақомоти ҳифзи ҳуқуқ ва ҳайати шахсии захираҳои сафарбарӣ таҳти унвони «Марз-2021» доир шуд
Президенти Тоҷикистон: «Мардуми Афғонистон дар мураккаб гардидани авзои дохилии ин кишвар гуноҳ надоранд»
«МАРЗ-2021». Дар Тоҷикистон ҳолати омодабошии ҷангии 230 ҳазор нафар бо бонги хатар санҷида шуд
«МАРЗ-2021». Дар саросари Тоҷикистон таҳти чунин унвон санҷиши омодагии ҷангии Қувваҳои Мусаллаҳ, мақомоти ҳифзи ҳуқуқ ва ҳайати шахсии захираҳои сафарбарӣ оғоз гардид
Маркази матбуоти Қӯшунҳои сарҳадии КДАМ ҶТ хабар медиҳад
Пешвои миллат: «Сарҳади давлатӣ миёни Тоҷикистон ва Афғонистон барои кишварҳои аъзои ИДМ ва ИА ҳамчун минтақаи буферӣ мавқеи бисёр муҳим дорад»
Пешвои миллат: «Дар натиҷаи ҳушёриву зиракии сарҳадбонони ҷасури отряди сарҳадии «Ҳамадонӣ» ва дигар мақомоти ҳифзи ҳуқуқи мамлакат зиёда аз 25 тонна маводи мухаддир мусодира карда шудааст»
Ҳабибулло Воҳидзода: Ҳадаф аз қабули Стратегияи миллӣ таъмини амнияти Тоҷикистон аз таҳдиди маводи нашъаовар ва оқибатҳои зиёновари он аст
Маркази матбуоти Қӯшунҳои сарҳадии КДАМ ҶТ хабар медиҳад
Маркази матбуоти Қӯшунҳои сарҳадии КДАМ ҶТ хабар медиҳад
Вазири корҳои дохилии Тоҷикистон бо роҳбари Маркази байналмилалии зиддитеррористии «Ҳедая» Алӣ Рашид Ал-Нуаймӣ мулоқот намуд

Маводҳои таҳлилӣ