Ҳунарпешаи халқии Тоҷикистон Шералӣ Абулқайсов аз олам даргузашт
ДУШАНБЕ, 12.07.2021 /АМИТ «Ховар»/. Имрӯз Ҳунарпешаи халқии Тоҷикистон Шералӣ Абулқайсов аз олам даргузашт. Дар ин бора аз Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд.
Шералӣ Абулқайсов 15 апрели соли 1951 дар деҳаи Дерзуди ноҳияи Рӯшони Вилояти Мухтори Кӯҳистони Бадахшон таваллуд шудааст. Ӯ соли 1973 бахши санъат ва актёрии Донишгоҳи омӯзгории шаҳри Душанберо хатм карда, пас аз хатми донишгоҳ солиёни зиёд дар Театри давлатии академии драмавии ба номи Абулқосим Лоҳутӣ кор кардааст.
Нақшҳои офаридаи Шералӣ Абулқайсов зиёд буда, ӯ маҳз тавассути онҳо дар шумори беҳтарин ҳунармандони Тоҷикистон қарор дошт.
Мавсуф тӯли фаъолияти ҳирфаӣ дар театри Лоҳутӣ нақшҳои хотирмони зиёде офаридааст, аз ҷумла, нақшҳои мондагори профессор Пашков аз намоиши “Алломаи Адҳам”-и С.Улуғзода; Лука Лукич аз “Ревизор”-и Гогол; Азимов аз “Интихоби домод”-и Ҳ.Содиқ; Аҷузкампир аз “Найи сеҳрнок”-и Ф.Тошмуҳаммедов; Эзоп аз “Шер, рӯбоҳ ва ангур”-и Шералӣ Абулқайс; Тирессий аз спектакли “Эдип”-и Софокл; Капулетта аз “Ромео ва Ҷулйетта”-и В.Шекспир; Асад аз “Афсонаҳои мӯйсафед”-и Нурулло Абдулло; Отелло аз “Отелло”-и В.Шекспир; Дон Жуан аз “Дон Жуан”-и Молйер; Ҷомосп аз “Зардушт”-и Нур Табаров; Амир Темур аз “Кабки қафас”-и Темур Зулфиқоров; Ковусшоҳ аз “Зуҳури Суҳроб”-и Ф. Умаров; Абдунабӣ аз “Тахти Султон Маҳмуд”-и Ш. Солеҳ; Гефистион аз намоиши “Искандар ва Спитамен”-и А. Абдураҳмонов ва амсоли инҳо, ки дар дилу дидаи тамошобин маъво гирифтаанд.
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
