Аҳолии шаҳри Норак бо ваксинаҳои «Модерна», «CoronaVaс» ва «AstraZeneca» эм карда мешаванд
НОРАК, 10.08.2021 /АМИТ«Ховар»/. Ҷиҳати сари вақт пешгирӣ намудан аз бемории сироятии коронавируси нави COVID-19 дар шаҳри Норак аввалин шуда кормандони Неругоҳҳои барқи обии «Норак» ва «Бойғозӣ» аз ваксинаи «Мoderna» ба таври пурра истифода намуданд.
Тавре ҳамшираи тибби НБО «Норак» Моҳбону Раҳмонова ба хабарнигори минтақавии АМИТ «Ховар» гуфт, ки дар ин ду неругоҳҳои бузурги Тоҷикистон аз рӯзи пайдо шудани ин бемории оламгир қоидаҳои беҳдоштӣ пурра риоя мешаванду кормандони неругоҳ аз маҳлулҳои безараргардонию ниқоб истифода мебаранд. Хушбахтона бо ворид гаштани вояҳои ваксинаи «Мoderna» ба шаҳри Норак баҳри пешгирии ин беморӣ ҳамаи кормандони ин неругоҳҳо бо хоҳиши худашон эмгузаронӣ шуданд.
Роҳбари Маркази саломатии шаҳри Норак Тағойбек Қаҳҳорзода иброз дошт, ки барои пешгирии бемории COVID-19 то дирӯз дар 20 нуқтаҳои эмгузаронии маркази саломатии шаҳр ва бунгоҳҳои тиббию марказҳои саломатии деҳот зиёда аз 8156 нафар кормандони корхонаю ташкилоту муассисаҳо ва шаҳрвандон эмгузаронӣ шуданд, ки 21 фоизи аҳолиро ташкил медиҳад.
Дар ин маърака кормандони Мақомоти иҷроияи ҳокимияти давлатии шаҳр ва ҳамаи кормандони соҳаи тандурустии ноҳия сафарбар гардида, ба аҳолии шаҳр моҳияти истифодаи ваксинаро дар пешгирии бемории коронавирус ва фоидаҳои онро ба саломатии инсон фаҳмониданд. Мудири бахши Сабти асноди ҳолати шаҳрвандии шаҳри Норак Сарвиноз Саидмуродова изҳор намуд, ки дар рӯзҳои аввал мардуми шаҳр ба эмгузаронӣ нисбати пешгирии ин бемории аср кам аҳамият медоданд. Вале пас аз гузаронидани корҳои фаҳмондадиҳӣ дар байни мардум ва корхонаю идораҳо, айни замон барои гирифтани ваксина дар баъзе нуқтаҳои эмгузаронӣ сокинони шаҳр дар навбат истодаанд, ки ин амал фарҳанги баланди сокинони шаҳрро нишон медиҳад.
Директори Маркази назорати давлатии санитарию эпидемологии шаҳр Ҷомаҳмад Ҷамилов мегӯяд, ки бо мақсади пешгирии бемории COVID-19 аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ду давраи эмгузаронӣ вояҳои ваксинаҳои «Модерна», «CoronaVaс» ва «AstraZeneca» ба шаҳри Норак ворид шуд, ки то дирӯз 21 фоизи аҳолии шаҳр аз қабили кормандони корхонаю ташкилотҳо эмгузаронӣ шуданд. Тарзи истифодаи ин ваксинаҳо ва нигоҳдории онҳо ҳамеша зери назорати доимии мутахассисони мо қарор дорад. Хушбахтона сокинони шаҳри Норак бо дарки масъулият ихтиёрона омада, аз ин ваксинаҳо истифода намуда истодаанд, то ки саломатии худ ва наздиконашонро аз ин бемории сироятӣ эмин нигоҳ доранд.
АКС аз АМИТ «Ховар»
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
