«Баъзеҳо мушкилӣ мехоҳанд»: Толибон шарҳ доданд, ки чаро онҳо ба Панҷшер садҳо ҷангиёнро фиристодаанд
ДУШАНБЕ, 23.08.2021 /АМИТ «Ховар»/. Ҳаракати радикалии «Толибон»* садҳо ҷангҷӯёнро бо мақсади дар кишвар ҷорӣ кардани низоми ягона ба вилояти Панҷшер фиристод, зеро ин қаламрав то ҳол ягона қисмати Афғонистон аст, ки онро ҷангиён назорат намекунанд. Бино ба иттилои АМИТ «Ховар», намояндаи дафтари сиёсии «Толибон» Муҳаммад Наим дар ин бора дар мусоҳиба бо шабакаи телевизионии «Ал-Ҳадас» хабар дод.
«Ҳадафи мо муттаҳид кардани кишвар аст, ҳеҷ гуна низомҳои гуногун наметавонанд вуҷуд дошта бошанд. Бо вуҷуди ин, баъзеҳо мушкилӣ мехоҳанд. Агар мушкилотро бо ҳамдигарфаҳмӣ ҳал кардан имконпазир набошад, роҳи охирин ҷанг аст»,-гуфт Наим.
Толибон ба раҳбари муқовимати Панҷшер Аҳмад Масъуд шарт гузоштанд. Вай бояд дар тӯли чаҳор соат ба «Толибон» таслим мешуд. Вале қумандони саҳроӣ инро рад кард. Ҳазорон нафар ҷонибдороне, ки аз забти қудрат дар кишвар аз ҷониби ифротгароён норозиянд, ба назди ӯ меоянд.
Масъуд таслим шуданро рад карда, хостори ташкили ҳукумати «фарогир» шуд. Вай ҳушдор дод, ки агар толибон муколамаро дастгирӣ накунанд, ҷанг дар кишвар ногузир хоҳад буд.
Тавре ки Life хабар додааст, 15 август ҷангҷӯёни ҳаракати радикалии «Толибон» вориди Кобул шуда, назорати тамоми қаламрави Афғонистонро эълон карданд, парчами худро дар болои кохи раёсатҷумҳурӣ бардошта, поёни ҷангро эълон намуданд. Сарвари давлат Ашраф Ғанӣ истеъфо дод ва кишварро тарк кард. Пас аз он дар пойтахт воҳима сар шуд, одамон кӯшиш мекарданд, ки аз шаҳр гурезанд, баъзе кӯшишҳо бо фоҷиа анҷом ёфт. Дар ин замина, аз президенти ИМА Ҷо Байден интиқод карданд, ки аз хурӯҷи неруҳояш аз Афғонистон хабар дод. Аз ҷумла, роҳбари собиқи Амрико Доналд Трамп вазъи Афғонистонро яке аз бузургтарин шикастҳои Амрико ва фирори низомиёнро аз ин кишвар — таслимшавӣ номид.
АКС: Xinhua/Global Look Press
______________________________________
* Фаъолияти ҳаракат дар Тоҷикистон мамнӯъ аст
ИФРОТГАРОӢ-ЗУҲУРОТИ НОМАТЛУБ. Бояд ба тарбияи дурусти ҷавонон таваҷҷуҳи хосса зоҳир намуд
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Дар Душанбе вобаста ба хатари хурофот ва ифротгароӣ ҳамоиш доир шуд
ҲАҶ ФАРЗ АСТ Ё ХУДНАМОЙИИ ҲОҶИЁН? Агар зоирон нисфи хароҷоти исрофкоронаашонро барои бунёди пул, ҳаммом, кандани ҷӯй сарф менамуданд, аҷру савоби бештар мегирифтанд
ЗАНГӮЛАИ ҲУШДОР ВА Ё ҲИДОЯТҲОИ НАВИНИ ПЕШВОИ МИЛЛАТ. Дар ҳошияи мулоқоти Президенти Тоҷикистон бо фаъолон, намояндагони ҷомеа ва ходимони дини мамлакат
Мубориза бо зуҳуроти номатлуб ва риояи қонуни миллӣ дар вохӯрии намояндагони Кумитаи дин бо гумрукчиёни мамлакат баррасӣ гардид
СОЛИМИИ МИЛЛАТ АЗ ТАФАККУРИ НАСЛИ ҶАВОН ВОБАСТА МЕБОШАД. Андешаҳои Зулфиқор Гулаҳмадзода дар ин мавзуъ
МО-ЗИДДИ ХУРОФОТ! Он чашмҳои биноро кӯр ва гӯшҳои шунаворо кар менамояд
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
ХУРОФОТПАРАСТӢ-САРЧАШМАИ ҶАҲОЛАТУ ТОРИКӢ. Дар Консерваторияи миллии Тоҷикистон ин зуҳуроти номатлубро маҳкум намуданд
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»
Сарвари давлат аз вазъи таассубу хурофот дар мамлакат изҳори нигаронӣ намуданд
