Дар Афғонистон 12 нафар аз як хонавода бар асари таркиш кушта шуданд
ДУШАНБЕ, 09.08.2021 /АМИТ «Ховар»/. Дар шарқи Афғонистон дувоздаҳ нафар аз як хонавода кушта шуданд, хабар медиҳад АМИТ «Ховар» бо истинод ба шабакаи телевизионии Ariana News.
Фоҷиа дар ҳудуди вулусволии Сайёд Карами вилояти Пактиё рух додааст.
Тибқи иттилои хадамоти амниятӣ, ин хонавода дар автобуси хурд ҳаракат мекард, ки аз минаи канори роҳ таркидааст.
«Дар натиҷаи таркиши нақлиёт дувоздаҳ нафар аъзои оила, аз ҷумла кӯдакон кушта ва ду нафари дигар маҷруҳ шуданд», — гуфт манбаъ.
То ҳол ягон гурӯҳ масъулияти таркишро бар уҳда нагирифтааст.
Ёдовар мешавем, ки дар Афғонистон задухӯрди мусаллаҳона байни неруҳои ҳукуматӣ ва аъзои ҳаракати радикалии «Толибон», ки дар Тоҷикистон мамнӯъ аст, идома дорад. Ҷангҷӯён дар пасманзари хуруҷи неруҳои ИМА ва СПАШ аз Афғонистон фаъол шуданд ва дар муддати кӯтоҳ баъзе қаламрави ин кишварро ишғол карданд.
Чанде пеш «Толибон» эълон карданд, ки музофотҳои Қундуз ва Сари Пулро таҳти назорат гирифтаанд, аммо мақомоти Афғонистон иддаои онҳоро рад карданд.
Бино ба гузориши Tolo News, дар шаҳри Қундуз миёни ифротгароён ва артиши Афғонистон задухӯрдҳои шадид ҷараён доранд. Ба толибон муяссар гардидааст, ки маркази нуқтаи аҳолинишинро ишғол намоянд.
АКС аз Report
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
Дар шаҳри Турсунзода 70 кг маводи нашъаовар мусодира карда шуд
Дар вилояти Хатлон тақрибан 179 кг маводи нашъаовар мусодира ва гурӯҳи муташаккили фаромиллии қочоқбарон боздошт гардид
Дар Қазоқистон ҷаласаи роҳбарони воҳидҳои криминалии вазоратҳои корҳои дохилии ИДМ баргузор гардид
