Сокинони ноҳияҳои Рӯдакӣ ва Шаҳринав бо ваксинаи «Мoderna» эм карда мешаванд
ШАҲРИНАВ, 05.08.2021 /АМИТ«Ховар»/. Имрӯзҳо миёни шаҳрвандони шаҳру навоҳии мамлакат маъракаи ваксинатсия бар зидди бемории сироятии коронавируси нави COVID-19 идома дорад. Тибқи иттилои муовини директори Маркази саломатии ноҳияи Рӯдакӣ Насрулло Асомиддинов, ба ин ноҳия беш аз 80 ҳазор вояи ваксинаи «Мoderna» ворид гардидааст, ки то ҳол дар ду нуқтаи эмгузаронии маркази саломатии ноҳия ва бунгоҳҳои тиббию марказҳои саломатии деҳот зиёда аз 10 ҳазор нафар шаҳрвандони ноҳия бо ин ваксина фаро гирифта шуданд.
Тавре мухбири минтақавии АМИТ «Ховар» иттилоъ медиҳад, ба ин маърака кормандони Мақомоти иҷроияи ҳокимияти давлатии ноҳияи Рӯдакӣ ва тамоми кормандони соҳаи тандурустии ноҳия сафарбар гардида, миёни мардум оид ба аҳамияти ин ваксина дар пешгирии бемории коронавирус ва фоидаҳои он ба саломатии инсон корҳои фаҳмондадиҳӣ гузаронида истодаанд.
Иҷрокунандаи вазифаи роҳбари Маркази саломатии ноҳияи Шаҳринав Толиб Ахмедов изҳор дошт, ки бо мақсади пешгирии бемории COVID-19 аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 15 ҳазор воя ваксинаи «Модерна»-и истеҳсоли ширкати «Модерна Инк»-и ИМА ба ноҳия ворид гардида, то имрӯз зиёда аз 4500 нафар шаҳрвандони ноҳия аз ин ваксина истифода намудаанд. Дар як давраи кӯтоҳ дар ноҳия омӯзгорону донишҷӯён ва шаҳрвандони калонсолу хоҳишманд сари вақт бо ваксина эм карда мешаванд.
Хосиятхола Саидамирова сокини деҳаи Навободи Ҷамоати деҳаи Сабои ноҳияи Шаҳринав гуфт, ки “ман зани 75-сола мебошам, ба хабарҳои дурӯғини интернету мардум нисбат ба истифодаи ваксина бовар накардаму аз ин ваксина истифода намудам. Айни замон саломатиям хуб буда, худамро нағз ҳис мекунам. Аз ин рӯ аз насли калонсолу сокинони ҷумҳурӣ даъват мекунам, ки барои нигоҳдории саломати худ ва дигарон аз ин ваксина истифода намоед. Чунки саломатӣ аз ҳама чизи дунё болотар меистад”.
Сартабиби Маркази саломатии деҳоти Баҳористони ноҳияи Шаҳринав Гулдаста Шарифзода гуфт, ки дар рӯзҳои аввали ин маъракаи эмгузаронӣ шаҳрвандон кам аҳамият медоданд, вале бо гузашти рӯзҳо шаҳрвандон аҳамияти истифодаи ин ваксинаро дар пешгирӣ ва мубтало нашудан ба бемории COVID-19 дарк намуда, имрӯзҳо оилавӣ омада, аз он истифода менамоянд.
Акс аз АМИТ «Ховар»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
