Бонувони ихтироъкори тоҷик дар Намоишгоҳи 14-уми байналмилалии «KIWIE-2021» соҳиби медал шуданд
ДУШАНБЕ, 29.09.2021 /АМИТ «Ховар»/. Муовини декан оид ба илми факултети фарматсевтии Донишгоҳи миллии Тоҷикистон Малика Раҳимова бо дастгирӣ ва роҳбаладии декани факултети мазкур, доктори илмҳои фарматсевтӣ, профессор Сафол Мӯсозода дар Намоишгоҳи 14 — уми байналмилалии ихтирои бонувон «KIWIE- 2021» ва Форуми байналмилалии занони ихтироъкор дар пойтахти Кореяи Ҷанубӣ – шаҳри Сеул тариқи маҷозӣ (онлайн) иштирок намуда, ба комёбии чашмгир ноил шуд, хабар медиҳад АМИТ «Ховар» бо истинод ба маркази матбуоти Донишгоҳи миллии Тоҷикистон.
Малика Раҳимова ба ин ҳамоиши ҷаҳонӣ ихтирояшро дар мавриди «Маҷмуагиёҳҳои зиддидиабетӣ» пешниҳод кард ва барои он сазовори медали нуқра гардид. Ихтирои ин бонуи донишманд дар ҷодаи илми фарматсевтӣ кори тоза ва ҷавобгӯ ба талаботи соҳаи дорусозӣ мебошад.
Вазири рушди иқтисод ва савдо Завқӣ Завқизода ба 3 бонуи ихтироъкори ҷумҳурӣ- Малика Раҳимова медали нуқра ва мукофоти махсуси Ассотсиатсияи намояндагони патентии Корея, Ойбегим Зуурбекова ва Мижгона Шарофова медалҳои биринҷӣ супорид, ки онҳо дар Намоишгоҳи 14 – уми байналмилалии ихтирои бонувон дар Кореяи Ҷанубӣ «KIWIE – 2021» ва Форуми байналмилалии занҳои ихтироъкор иштирок намуда, соҳиби он шудаанд.
Ёдовар мешавем, ки Намоишгоҳ дар шаҳри Сеули Ҷумҳурии Кореяи Ҷанубӣ санаи 12 то 14-уми августи соли ҷорӣ тариқи онлайн баргузор гардида аз 17 кишварҳои аъзои Созмони умумиҷаҳонии моликияти зеҳнӣ ихтироъкорон иштирок намуданд.
АКСҲО: ДМТ /Вазорати рушди иқтисод ва савдои ҶТ
Дар шаҳри Ваҳдат «Фестивали намоиш ва фурӯши чорвои зотӣ» баргузор мегардад
Раванди иҷро ва мушкилоти рамзгузории электронӣ, фаъолияти операторони пайгирикунандаи гардиши молҳо ва раванди назорати онҳо баррасӣ гардид
ПАНЕЛҲОИ ОФТОБӢ. Ва ё қадаме ба сӯи истиқлолияти энергетикӣ ва ҳифзи сайёра
Байни Тоҷикистон ва Корея оид ба татбиқи лоиҳаҳо дар соҳаи нақлиёт Ёддошти тафоҳум ба имзо расид
Доир ба муаррифӣ ва баррасии имконоти сармоягузории Тоҷикистон ҳамоиш баргузор гардид
WTDC-2025: Тоҷикистон ва Эрон дурнамои ҳамкорӣ дар соҳаи алоқаи барқиро баррасӣ намуданд
Султон Раҳимзода дар Форуми байналмилалии «Istanbul Development Dialogues 2025» рушди иқтисоди «сабз» дар Тоҷикистонро муаррифӣ намуд
Неругоҳи офтобӣ дар ноҳияи Ашт 115 ҳазор хоҷагиро бо неруи барқ таъмин менамояд
То соли 2030 истеҳсоли неруи барқ аз ҳисоби манбаъҳои офтобӣ ва бодӣ ба 3000 МВт мерасад
Натиҷаҳои марҳилаи аввали лоиҳаи «Ташаббуси ҷаҳонии масъулиятшиносии мақоми олии аудит» муаррифӣ карда шуд
Масъулини вилояти Суғд барои андешидани чораҳои мушаххас ҷиҳати бартарафсозии мушкилоти ҷойдоштаи соҳаи маориф вазифадор шуданд
Ҳайати Тоҷикистон дар Конфронси ҷаҳонӣ оид ба рушди алоқаи барқӣ (WTDC-2025) дар Боку иштирок дорад
